قوعامدىق ءتارتىپ پەن قاۋىپسىزدىككە سەلكەۋ تۇسىرەتىن قاڭقۋ ءسوز تاراتقاندار 12 جىلعا باس بوستاندىعىنان ايىرىلۋى مۇمكىن. بۇل تۋرالى بۇگىن ءماجىلىستىڭ زاڭناما جانە سوت-قۇقىقتىق رەفورما كوميتەتىندە ق ر قىلمىستىق كودەكسى جوباسىن تالقىلاۋ بارىسىندا ءمالىم بولدى ق ر باس پروكۋرورىنىڭ ورىنباسارى  يوگان مەركەلدىڭ ايتۋىنشا، كودەكس جوباسىندا جۇرت اراسىندا جالعان، قاڭقۋ ءسوز تارالىپ، ونىڭ سالدارى قوعامدىق ءتارتىپ پەن قاۋىپسىزدىكتىڭ بۇزىلۋىنا سوقتىرعان جاعدايدا 12 جىلعا باس بوستاندىعىنان ايىراتىن باپ قاراستىرىلىپ وتىر. بۇل رەتتە پروكۋراتۋرا وكىلى اتالمىش نورمانىڭ تەك بانكتىك جۇيەنىڭ جۇمىسى بويىنشا جالعان اقپاراتتارعا قاتىستى بولىپ قويمايتىنىن دا اتاپ ءوتتى. «ماسەلەن، بىلتىرلارى تارازدا بوگەت بۇزىلعانى تۋرالى داقپىرت تارالىپ، تۇرعىندار ءتۇننىڭ ورتاسىندا پاتەرلەرىن تاستاي قاشقان»، - دەيدى ي. مەركەل.

بۇل رەتتە باس پروكۋروردىڭ ورىنباسارى اعىمداعى جىلدىڭ اقپان ايىندا جۇرت اراسىندا ءبىرقاتار بانكتەردىڭ بانكروتتىعى تۋرالى قاڭقۋ ءسوزدىڭ تارالعانىن، سونىڭ سالدارىنان بانكتەر ايتارلىقتاي جاپا شەككەنىن ەسكە سالدى.

قازاقپارات