قازاق ءتىلدى جۋرناليستەر جۋرناليستەن وپپوزيسيا وكىلىنە، ساياسات قۋۋشىعا اينالىپ بارادى. الەۋمەتتىك جەلىدەگى جازعاندارىنان-اق بايقالادى. سىن كوپ. گازەتتەردەگى ماقالالارىندا وبەكتيۆتىلىك از. سۇيسىنەتىن ساراپتاما جوقتىڭ قاسى. جۋرناليستيكانىڭ زاڭدىلىقتارىن كوپشىلىگى اينالىپ ءوتىپ ءجۇر. بەلسەندى ەمەس. باسپا ءسوز ءماسليحاتىنا جۋرناليستيكاعا جاڭا كەلگەن ستۋدەنتتەر بولماسا، باسقالارى بارا قويمايدى. ماماندىعىنان ءلاززات الىپ جۇرگەندەر از، جالاقى ءۇشىن عانا جۇرگەندەر كوپ. ءبىراق بۇل ءۇشىن قازاق جۋرناليستەرىن كىنالاۋدىڭ قاجەتى جوق. كىنا قازاق باق-ىنىڭ قولبالا دەڭگەيىنە تۇسكەنىنە نەمەسە تۇسىرىلگەنىندە ما دەپ ويلايمىن. كوپشىلىگى مەمتاپسىرىسپەن كۇن كورەدى. امال جوق ماقتاۋ، اسىرا ماقتاۋ جازادى. ودان ەل دە، جۋرناليستەر دە جالىقتى. بيزنەس كوزىنە اينالدىرايىن دەسە، بيزنەستىڭ بيشىگىن ۇستاعاندار ورىس ءتىلدى. ولار قازاق ءتىلدى باق-تىڭ اۋديتورياسى ءبىزدىڭ جارنامانى اقتامايدى دەپ سانايدى. كوبى ءتىلدى بىلمەيدى. سوسىن وقىمايدى. ساناسپايدى. سالدارىنان قازاقستانداعى اقپاراتتىق كەڭىستىكتە قازاق ءتىلدى باق-تىڭ دا، جۋرناليستەردىڭ دە ءۇنى باسەڭسىپ بارادى. ورىس ءتىلدى باق-ى قاي جاعىنان الىپ قاراساڭ دا ۇستەمدىك قۇرىپ وتىر. بيلىك قازاق ءتىلدى باق-پەن جۇمىس بويىنشا جاڭا شەشىمدەر قابىلداۋى كەرەك. قاراجات ۇنەمدەۋ كەرەك، ءوزىن اقتامايتىن ب ا ق جابىلسىن دەگەن كوزقاراستان قازاق ءتىلدى جۋرناليستەر ءۇش ءتىلدى بولىپ، ءوزىن-وزى اسىراي الاتىن كەزگە دەيىن ارىلۋ كەرەك. «بولاشاقپەن» قازاق جۋرناليستەرىن شەتەلگە 3 اي، 6 اي، 1 جىلعا دەيىن تاجىريبە الماسۋعا جىبەرۋ كەرەك. ءبىلىمىن كوتەرۋ كەرەك. ءتىلدى ۇيرەنۋىنە جاعداي جاساۋ كەرەك. سونشاما ءجۋرناليستىڭ وپپوزيسيالىق، نارازىلىق كوزقاراستا بولۋى مەملەكەت ءۇشىن ءقاۋىپ. ەرتەڭ جازۋ قابىلەتى بار توپ توبىرعا اينالسا قيىن. جوعارى جاقتا جۇرگەندەر ءۇشىن ول كورىنبەيتىن شىعار. مەن تومەننەن جوعارى قاراسام وسىنى كورەمىن. ءارى جۇمىسىم باق-پەن بايلانىس بولعاندىقتان، كوپ نارسەنى كورۋگە تۋرا كەلەدى.