2014 جىلى جازعا سالىم بوكستان سيدنەي وليمپياداسىنىڭ چەمپيونى  بەكزات ساتتارحانوۆ جايلى  «بەكزات» ءفيلمى  ەكرانعا شىعادى، دەپ جازادى Vesti.kz.

«ءبىز تىنباي، ءبىر جىل بويى سەنارييمەن  جۇمىس ىستەدىك. ەپيزودتىق رولدەرگە ەكىنشى قۇرامداعى اكتەرلەرگە قوسىمشا كاستينگ وتكىزدىك. ال قاڭتاردا سەمكانى باستادىق»، -دەيدى ءفيلمنىڭ رەجيسسەرى ەرمەك شاحمەت.

جوباعا 60 اكتەر تارتىلعان.  باستى رولگە جاس اكتەر اسىلحان تولەپوۆ شاقىرىلعان. وعان سيدنەي وليمپياداسىنىڭ جەڭىمپازى ەرماحان ىبرايىموۆ  كومەكتەسكەن.

ەسكە سالا كەتسەك، قازاقستاندىق بوكسشى 20 جاسىندا  2000 جىلعى سيدنەي وليمپياداسىندا جاسىنداي جارق ەتىپ، چەمپيون اتانعان بولاتىن. سول جىلى، 31 جەلتوقساندا  اسا دارىندى سپورتشى جول اپاتىنان قازا تاپتى.

inform.kz