2014 جىلدىڭ 4 ءساۋىر كۇنى «ادەمى-اي plus» ج ش س  جانە «ادەمى-اي» ونەر مۇراجايى ۇلىستىڭ ۇلى كۇنى ناۋرىز مەرەكەسىنە وراي «ۇلت جاۋھارلارى» اتتى جاڭا كادەسىيلار توپتاماسىن تانىستىرۋعا ارنالعان كورمەگە شاقىرادى. بۇل كورمەدە،  الماتى قالاسى اكىمى احمەتجان ەسىموۆ،  الماتى قالاسى اكىمى  جانىنداعى «ايەلدەر ءىسى جانە وتباسى-دەموگرافيالىق ساياسات جونىندەگى گەندەرلىك كوميسسيا» مۇشەلەرى، قوعام قايراتكەرلەرى، ونەر جۇلدىزدارى مەن قالا تۇرعىندارى قاتىسادى.

 «ادەمى-اي» كومپانياسى سوڭعى 13 جىل بويى حالقىمىزدىڭ قۇندى مۇرالارىن زاماناۋي ۇلگىدە جاڭعىرتىپ، ۇلتىمىزدىڭ سالت-داستۇرىنە ساي جاسالعان كادەسىيلاردى حالىققا ۇسىنىپ كەلەدى. ەستەرىڭىزگە سالا كەتسەك،  2011 جىلى «ادەمى-اي» كومپانياسىنىڭ ديرەكتورى، قازاقستان رەسپۋبليكاسىنىڭ مادەنيەت قايراتكەرى، ونەرتانۋشى، كوللەكسيونەر باحارگۇل تولەگەن قىزى 1000-نان استام جادىگەرى قويىلعان «ادەمى-اي» ونەر مۇراجايىن اشقان بولاتىن. وسى  مۇراجايدا ساقتالعان  كونە  جادىگەرلەر جاڭا زامانعا ساي قايتا جاڭعىرتىلىپ، جاڭا كادەسىيلار قاتارىن تولىقتىرۋدا.

   «ادەمى-اي» كومپانياسى بيىلعى جىلدا شىعارماشىلىق جۇمىستارعا باسىمدىلىق بەرە وتىرىپ، جاڭا ونىمدەرىنىڭ قاتارىن كوبەيتتى. قازاق ەلىنىڭ تاريحىنان سىر شەرتىپ، بۇگىنگى كەلبەتىن بەينەلەيتىن «اساتاياق»،  «وڭىرجيەك» سىندى كادەسىيلارمەن وزگە دە زەرگەرلىك اشەكەيلەر،  جىبەكتەن جاسالعان توقىما بۇيىمدار، بىلعارى بيزنەس اكسەسسۋرالار  مەن ەرەكشە سىيلىقتار. باسقا دا  جاعىمدى جاڭالىقتاردىڭ بولاتىندىعىن جەتكىزە وتىرىپ سىزدەردى قۋانىشىمىزعا  كۋا بولۋعا  شاقىرامىز.

وتەتىن ورنى: «ادەمى-اي» كومپانياسىنىڭ باس عيماراتى. الماتى قالاسى، شيەۆچەنكو كوشەسى، 133ب، (بايزاقوۆ كوشەسىنىڭ قيىلىسى).

وتەتىن ۋاقىتى: 12.00-دە.

قوسىمشا اقپارات: +7 (727) 378 84 85