ءماسىموۆ پرەمەر! قازاقشا ۇيرەنەم دەپ ءدۇيىم حالىقتىڭ الدىندا ۋادە بەرىپ، ءبىراق سوزىندە تۇرماعان ادام قايتا ۇكىمەتتى باسقاراتىن بولدى. ونى ماقتايتىندار: "الەمدىك داعدارىستان ەلدى الىپ شىققان وسى كىسى" دەپ اكامنىڭ استىنا كورپە قويادى. ال داتتاۋشىلار: "سىرتى جالتىراپ، ءىشى قالتىراپ تۇرعان كاسىپورىندار لەگى وسى مىرزانىڭ پرەمەرلىگى كەزىندە اشىلعان" دەيدى. دالىرەك ايتساق، اتى دارداي كاسىپورىننىڭ تۇساۋ كەسەر لەنتاسى قيىلادى، اراسى ءبىر جىلدان كەيىن، قايتا جابىلادى. كەزىندە ساراپشىلاردىڭ دەنى "كابينەتىنەن شىقپايتىن پرەمەر" دەپ اتاپ ەدى. "اۋىل جىلى" باعدارلاماسى كەزىندە 300 ملرد تەڭگە ءبولىندى. ءبىراق، سونىڭ قىزىعىن اۋىل حالقى اقىرى كورمەي كەتتى. ءماسىموۆ پرەمەرلىك ەتكەن كەزدە ازىق-تۇلىك باعاسى قىمباتتادى، وتاندىق بانكتەر ويسىرادى، يدەولوگيا سالاسى ۇمىت قالدىرىلىپ، ءدىني ەكسترەميستەر دەندەپ كەتتى ەلدى... ەندى سۋ جاڭا - كونە پرەمەر وسى جىبەرگەن ولقىلىقتاردىڭ ورنىن تولتىرادى ما ەكەن؟