بۇگىن ايدىڭ-كۇننىڭ امانىندا بۇرىنعى  ۇكىمەت باسشىسى  سەرىك احمەتوۆ وتستاۆكاعا كەتتى. ەلباسى ونىڭ ءوتىنىشىن  قابىلداپ، لاۋازىمىنان  بوساتتى.  از با، كوپ پە، سەرىك احمەتوۆ 1 جىل 7 اي (ول 2012 جىلى 24 قىركۇيەكتە پرمەەر-مينيسترلىككە تاعايىندالعان بولاتىن) ق ر ۇكىمەتىن باسقاردى.  ءوز كەزەڭىنە «ۇندەمەيتىن ۇكىمەت»  دەگەن اتاق  الىپ، ەش جاماناتىن شىعارماي بيلىكتەن كەتتى. ىلە-شالا ق ر پرەمەر-مينيسترى  لاۋازىمىنا كارىم  ءماسىموۆتىڭ كانديداتۋراسى ۇسىنىلىپ، حالىق قالاۋلىلارى ءبىر  اۋىزدان قولداپ، پرەمەرلىك ورىنتاقتىڭ يەگەرىن تاڭداپ تاستادى. ءماسىموۆ  بۇعان دەيىن 5 جىل بويى (2007 — 2012) ەل ۇكىمەتىن  باسقارعان-تىن. تاجىريبەسى مول دەمەسەك،  كارىموۆ كەزەڭىندە  ەلەڭ ەتكىزەرلىك ەشتەڭە ەستە قالا  قويماپتى.  دەسەك تە، بيلىكتەگى اۋىس-تۇيىسكە ازاماتتىق بەلسەندىلەر ءار ءتۇرلى پىكىردە. 

ءامىرجان قوسانوۆ، تاۋەلسىز ساياساتكەر :

شەشىم قابىلدايتىن ۇكىمەت ەمەس پرەزيدەنت

 - ەۋرازيالىق وداق، قازاق كوشى، ۇلتتىق ماسەلەلەر ءبىزدىڭ ەلدە ۇكىمەتتىڭ ەمەس، اقوردانىڭ، ناقتىلاپ ايتساق، پرەزيدەنتتىڭ قۇزىرىنداعى ماسەلەلەر. سوندىقتان دا، ءبىر پرەمەر كەتىپ، ەكىنشىسى كەلگەن سوڭ ءدال وسى ماڭىزدى پروبلەمالارعا دەگەن مەملەكەتتىڭ كوزقاراسى وزگەرە سالادى دەگەنگە مەن سەنبەيمىن! ارينە، اتقارۋشى ورگان رەتىندە ۇكىمەت بەلگىلى ءبىر باستامالار كوتەرىپ، نە بولماسا ءبىر ۇسىنىستارعا قارسى پىكىرىن ءبىلدىرۋى مۇمكىن. وندا دا ول ويلارىن ۇكىمەت بارشاعا جاريا ەتپەي، جۇمىس جاعدايىندا عانا ايتا الادى. ءبىراق قايتكەنمەن دە سوڭعى شەشىمدى قابىلدايتىن ۇكىمەت ەمەس، پرەزيدەنتتىڭ ءوزى.

داۋرەن بابامۇرات، ساياساتتانۋشى: 

ءوز باسىم ارينە جاڭا ادامنىڭ بولعانىن قالار ەدىم

-  ۇكىمەت باسى قاي زاماندادا تەك قانا تاكتيكالىق سۇراقتارعا جاۋاپ بەرگەن. تاۋەلسىز قازاقستاندا، ال نەگىزگى ستراتەگيالىق دۇنيەلەردى ەلباسى ەشقاشان ءوز ۋىسىنان شىعارعان ەمەس. وسى جولى دا سولاي بولادى دەپ سەنەمىن. سىرتقى ساياسات تەك قانا ەلباسىنىڭ قۇزىرىندا بار جانە بولادى. ال ءماسىموۆ مىرزانىڭ كەلۋىنە بايلانىستى ايتارىم، ءوز باسىم ارينە جاڭا ادامنىڭ بولعانىن قالار ەدىم. ءماسىموۆتىڭ وتكەن ۇكىمەت باسشىلىعىندا ءبىز اپ-از ۋاقىتتا كەدەندىك وداقتىڭ ورتاسىنان شىعا كەلدىك، وسى جولى ەندى ەۋرازيالىق وداققا وڭاي كىرەتىن بولدىق. بۇل كىسىنىڭ اتالمىش وداقتار اياسىندا رەسەيمەن جاقىندىقتى قاتتى ۇناتاتىنى سىرت كوزگە ايتپاسادا بەلگىلى. ار رەسەي بولسا كۇنى كەشە عانا الەمنىڭ بارلىق ورىستارىن قورعايمىز دەپ مالىمدەمە جاسادى. سوندىقتان ۇلتتىق ماسەلەنىڭ ماسەلەسى تۇسىنىكتى شىعار.

جانبولات ماماي، جۋرناليست- :

حالىق اراسىندا مەملەكەت باسقارۋعا لايىق ازاماتتار كوپ!

-          حالىق اراسىندا مەملەكەت باسقارۋعا لايىق ازاماتتار كوپ! ءبىراق اقوردا ءۇشىن شەنەۋنىك قىزمەتىنە تاعايىنداۋدىڭ ءبىر عانا كريتەريييى بار: ەلباسىعا  جاقىندىق.  بۇعان مويىنۇسىنبايتىن، كونبەيتىن ازاماتتار مەملەكەتتىك بيلىكتەن الاستاتىلدى. دەنى دۇرىس، وركەنيەتتى ەلدە "بۇل باسشىنىڭ ورنىنا كىم كەلەدى؟"دەگەن سۇراق ەلدىڭ باسىندا دا بولمايدى. تەك قانا توتاليتارلى، ارتتا كالعان، دامىماعان ەلدىڭ حالقى عانا ستالين مەن كيم چەن ير ولگەندە وكىرىپ تۇرىپ جىلايدى. ال،  ەندى ەلىمىزدى ماڭگىلىك پرەزيدەنتى مەن ماڭگىلىك كومەكشىسى- پرەمەرى بار ەلدىڭ قايسىنا جاتقىزامىز؟

مۇقان كەرەي:

ماسەلە كىمنىڭ پرەمەر-مينيستر بولۋىندا ەمەس

- ماسەلە كىمنىڭ پرەمەر-مينيستر بولۋىندا ەمەس. بىزدە پرەزيدەنتتىك باسقارۋ جۇيەسى. سوندىقتان كەدەندىك وداق، ەۋرازيالىق وداق ماسەلەسى ەڭ الدىمەن پرەزيدەنتتىڭ قالاي شەشىم قابىلداۋىنا بايلانىستى. ال، ودان كەيىن رەسەيدىڭ پوزيسياسىنا تاۋەلدى. ءماسىموۆ ۇكىمەت باسشىسى رەتىندە تاپسىرماداردى ورىنداپ، ەكسپوعا دايىندىق، يندۋستريالدى-يننوۆاسيالادىڭ ورىندالۋى سەكىلدى ەكونوميكالىق ماسەلەلەر جونىندە كۇش سالادى. ال، قازاق ءتىلى، مادەنيەت، رۋحانيات سول بۇرىنعى دەڭگەيىمەن قالا بەرمەك ال، قازاق كوشى دە ماسىموۆكە تاۋەلدى ەمەس. قازاق كوشى پرەزيدەنتتىڭ قالاي قادام جاسايتىنىنا، ودان كەيىن قازاق قوعامىنىڭ تالاپ قويىپ، شەتتەگى قازاقتاردى ەلگە شاقىرتۋ ءۇردىسىن جالعاستىرتۋىنا بايلانىستى.

قوعام بەلسەندىلەرىنىڭ پىكىرى وسىنداي، ال، ءسىز نە دەيسىز، قۇرمەتتى وقىرمان؟!