قازاق قىزدار پەداگوگيكالىق ۋنيۆەرسيتەتىنىڭ 3-كۋرس ستۋدەنتى اقجارقىن تۇرلىباي جۇڭگو پوليسەيلەرىنىڭ قولىنا ءتۇستى.
20 جاستاعى بويجەتكەن ناۋرىزدىڭ 10-ى كۇنى جۇڭگو مەن مالايزيا شەكاراسىندا «ەسىرتكى تاسىمالدادى» دەگەن كۇدىكپەن ۇستالعان. وسىنى ەستىگەننەن بەرى اقجارقىننىڭ اناسى كۇندىز كۇلكىدەن، تۇندە ۇيقىدان ايىرىلعان. ول اۋىر قىلمىستى قىزىنىڭ موينىنا ءىلىپ وتىر دەپ قازاقستاننىڭ سىرتقى ىستەر مينيسترلىگىنەن كومەك سۇرايدى. اناسىنىڭ ايتۋىنشا، قىزى اقجارقىن تۇرلىباي الەنا ەسىمدى كەلىنشەكتىڭ ءوتىنىشى بويىنشا كورشى ەلگە اتتانىپ، ناۋرىزدىڭ 11-دە قىتايدان مالايزياعا برەندتى تاۋار جەتكىزۋ كەرەك بولعان. تاۋار يەسى بويجەتكەننىڭ قىزمەتىنە قوماقتى اقشا تولەۋگە ۋادە بەرىپتى. ءبىراق اقجارقىن قىتايدان ورالعان جوق. ازىرگە اقجارقىننىڭ بوتەن ەلدىڭ تەمىر تورىنا قامالعانىنان باسقا دەرەك جوق. قىزىنا اراشا سۇراعان انا المالى اۋداندىق ىشكى ىستەر باسقارماسىنا دا شاعىمدانعان. سەبەبى، بويجەتكەندى قىتايعا جول قارجىسىن تولەپ، اتتاندىرعان الەنا ەسىمدى كەلىنشەك، قۇربىسى دينا، دجوني ەسىمدى نيگەريا ازاماتى دا ساپارى تۋرالى اقپارات بەرۋدەن ات توندارىن الىپ قاشۋدا. ق ر ءسىم باسپا ءسوز قىزمەتىنىڭ حاتشىسى قۇقىقتىق كومەك كورسەتۋگە، ادۆوكات تاۋىپ بەرۋگە دايىنبىز دەپ مالىمدەدى. تۇسىنىكسىزى، اقجارقىن تۇرلىبايعا دۇنيەجۇزىنە تانىمال برەندتى كيىم-كەشەكتى تاسىمالداۋعا تاپسىرىس بەرگەن توپ ءالى كۇنگە تاۋارىن ىزدەپ باس قاتىرىپ جاتقان جوق. ال «ەسىرتكى تاسىمالدادى» دەگەن كۇدىكپەن ۇستالعان قىزدىڭ تاعدىرى ازىرگە قىل ۇستىندە تۇر دەۋگە بولادى. ويتكەنى ەسىرتكى زاتتارىن تاسىمالداۋشىلارعا قىتايدا جازا تىم قاتال. سوندىقتان ءوزى وقىعان وقۋ ورنىنىڭ باسشىلارى بۇل داۋلى ماسەلەنى شەشۋگە بىرىككەن ۇلتتار ۇيىمى كومەكتەسەدى دەپ ۇمىتتەنىپ وتىر، دەيدى ارنا ءتىلشىسى ج. بەگالى.
پىكىر قالدىرۋ