ميۋنحەندەگى اتىستان زارداپ شەككەن قازاقستاندىقتار جوق. بۇل تۋرالى سىرتقى ىستەر مينيسترلىگىنىڭ باسپا ءسوز جەتەكشىسى ءانۋار جايناقوۆ مالىمدەدى، - دەپ حابارلايدى Qamshy.kz 24.kz-كە سىلتەمە جاساپ.

ەستەرىڭىزگە سالا كەتەيىك، كەشە كەشكىسىن ميۋنحەندەگى «وليمپيا» ساۋدا ورتالىعىنىڭ جانىندا بەلگىسىز بىرەۋ اتىس اشىپ، قازا تاپقاندار 10-عا جەتتى. تاعى 21ء-ى جارالانعان. اراسىندا بالالار بار. زارداپ شەككەن 3 ادامنىڭ ءحالى مۇشكىل. كەڭ اۋقىمدى ارنايى وپەراسيا ءتۇنى بويى جۇرگىزىلدى. باۆارياعا كورشىلەس فەدەرالدى ايماقتاردان، ءتىپتى اۆستريادان قوسىمشا كۇش تارتىلعان. پوليسيانىڭ مالىمەتى بويىنشا كۇدىكتى گەرمانيا مەن يران ازاماتتىعى بار تەگى پارسى، 18 جاستاعى جىگىت. ول جالعىز ءوزى وق جاۋدىرعان. ونىڭ جانسىز دەنەسى اتىس ورنىنا جاقىن ماڭنان تابىلدى. ميۋنحەندە توتەنشە جاعداي جاريالانىپ، كولىك قوزعالىسى توقتاتىلدى. بەرليندە بۇگىن كانسلەر انگەلا مەركەلدىڭ قاتىسۋىمەن قاۋىپسىزدىك كەڭەسىنىڭ وتىرىسى وتپەك. نەمىس پوليسەيلەرى كۇشەيتىلگەن جۇمىس رەجيمىنە كوشىرىلدى.