Malaysia Airlines كومپانياسىنىڭ جوعالعان ۇشاعىن ىزدەپ جاتقان قۇتقارۋشىلار اۋەدەن سۋ استىنا ءتۇستى.
ارنايى قوندىرعىلارمەن جاساقتالعان ەكى كەمە قازىرگى كەزدە ءۇندى مۇحيتىنا شىعارىلىپ، سۋ استىندا بولۋى مۇمكىن ۇشاقتىڭ "قارا جاشىگى" تاراتاتىن بەلگىلەردى ىزدەپ جاتىر. قۇتقارۋشىلار بولسا 200 مەتر تەرەڭدىككە ءتۇسىپ، ىزدەۋ جۇمىستارىن جۇرگىزۋدە. بۇگىن وسىناۋ جۇمىستاردى جۇرگىزۋ ءۇشىن مۇحيتقا 14 ۇشاق پەن 9 كەمە شىعارىلادى دەپ جوسپارلانۋدا. ماماندار بۇگىنگى تاڭدا جوعالعان مالايزيالىق ۇشاقتى ىزدەۋ جۇمىستارى تاريحتاعى ەڭ قيىن وپەراسيا بولدى دەپ باعالاپ وتىر. ەستەرىڭىزگە سالايىق، اعىمداعى جىلدىڭ 8 ناۋرىزىنا قاراعان ءتۇنى كۋالا-لۋمپۋردەن پەكينگە بەت العان ۇشاق جارتى جولدا جوعالىپ كەتكەن بولاتىن. ونىڭ بورتىندا 139 ادام بولعان.
Baq.kz
پىكىر قالدىرۋ