بۇگىن ق ر ۇلتتىق ۇلانى «وڭتۇستىك» وڭىرلىك قولباسشىلىعى اسكەري بولىمدەرىندە قوستاناي وڭىرىنەن وتان الدىنداعى بورىشىن وتەۋ ءۇشىن شاقىرىلعان ساربازدار اتا-انالارىمەن سكايپ جۇيەسى ارقىلى ونلاين رەجيمدەگى ۆيدەو-بايلانىسقا شىقتى، - دەپ حابارلايدى Qamshy.kz ۇلتتىق ۇلان «وڭتۇستىك» وڭىرلىك قولباسشىلىعىنىڭ باسپا ءسوز قىزمەتىنە سىلتەمە جاساپ.
بايلانىس بارىسىندا قوستاناي قالاسىنداعى ۇلتتىق ۇلاننىڭ 6697 اسكەري بولىمىنە جينالعان ساربازداردىڭ اتا-انالارى اسكەري بورىشىن الماتىدا وتەپ جاتقان ۇلدارىنىڭ جارقىن جۇزدەرىن كورىپ، تىلدەسۋ مۇمكىندىگىنە يە بولدى. سونىمەن قاتار، اتا-انالار ۇلدارىنىڭ اسكەري ومىرىمەن، تۇرمىس جاعدايلارىمەن تانىستى.
اتالعان ءىس-شاراعا ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ قاتىسىپ، ونلاين رەجيمدە اتا-انالاردىڭ كوكەيلەرىندە جۇرگەن سۇراقتارىنا جاۋاپ بەردى.
سونداي-اق، اتا-انالاردىڭ نازارىنا ۇلدارىنىڭ سالەمدەمەسى جولدانعان جانە قىزمەتتەرىن وتكەرىپ جۇرگەن اسكەري بولىمدەردىڭ تىنىس-تىرشىلىگى تۋرالى بەينەجازبالار ۇسىنىلدى.
تامىز ايىندا اتالعان ءىس-شارا جالعاسىن تاۋىپ، اقمولا وبلىسىنان شاقىرىلعان ساربازدار دا اتا-انالارىمەن ونلاين-بايلانىسقا شىقپاق.
