جۇما كۇنى الماتىداعى مەدەۋ اۋداندىق №2 سوتىنىڭ عيماراتىنان قاشىپ كەتكەن كۇدىكتى بۇگىن قولعا ءتۇستى، - دەپ حابارلايدى Qamshy.kz.
«الماتى پوليسياسى جەدەل بولىنىستەرىنىڭ قىزمەتكەرلەرى تەرگەۋ كەزىندەگى بۇلتارتپاۋ شاراسىن بەلگىلەۋ ءۇشىن سوتقا جەتكىزىلىپ، سوت عيماراتىنان قاشىپ كەتكەن د. دوسماعامبەتوۆتى ۇستادى»، - دەلىنگەن ءىىد باسپا ءسوز قىزمەتى تاراتقان حابارلامادا.
ەستەرىڭىزگە سالساق، جۇما كۇنى مەدەۋ اۋداندىق سوتىنا جەتكىزىلگەن كۇدىكتى سوت عيماراتىنداعى كامەرادان قاشىپ كەتكەن بولاتىن. وعان ق ر قك 188-بابىنىڭ 2ء-بولىمى، 2،3-تارماقشالارى (ۇرلىق) بويىنشا ايىپ تاعىلعان.
سونداي-اق، ونىڭ بۇعان دەيىن دە وسىنداي قىلمىستار ءۇشىن جاۋاپقا تارتىلعانى حابارلانعان.
