ريو-دە-جانەيرو وليمپيادا ويىندارىنىڭ باستالۋىنا ساناۋلى كۇن قالدى. دەمەك، ءار ەلدەن كەلگەن ۇلتتىق قۇرامانىڭ 2016 جىلعى سپورت كيىمىن سىناپ، باعا بەرەتىن كۇن دە الىس ەمەس، - دەپ جازادى massaget.kz.

اسىرەسە، وليمپيادا ويىندارىنىڭ اشىلۋ جانە جابىلۋ سالتاناتىندا قاتىسۋشىلار مەملەكەتتى تۋلارىنىڭ استىندا شەرۋمەن وتەتىن ساتتە وليمپيادا كيىمدەرىمەن ەرەكشەلەنەدى.

الەۋمەتتىك جەلىلەردە ءبىزدىڭ وليمپيادا ويىنشىلارىنىڭ كيىمدەرىنە قاتىستى ۇلكەن داۋ تۋىپ ەدى. ءبىر توپ ۇنامادى دەسە، ەكىنشى توپ قولداۋ كورسەتتى. 

بۇل – ءبىزدىڭ وليمپياداشىلاردىڭ الداعى ويىنعا ەلدى تانىستىراتىن سپورتتىق كيىمدەرى. ءبىراق، سپورتتىق كيىم دە، شەرۋگە ارنالعان ۇلگى دە بۇدان وزگەردى.

سوڭعى ماقۇلدانعان سپورتتىق ۇلگى اقشىل كوك تۇسكە يە. فورمانى وزگەرتۋگە ريودا ءجۇرىپ جاتقان جۇقپالى زيكا اۋرۋى سەبەپ بولعان. ولاي بولسا، وزگە ەلدىڭ وليمپيادا كيىمدەرىمەن سالىستىرىپ كورەيىك.

ايىر قالپاقتى باۋىرلارىمىزدىڭ وليمپيادا شەرۋىنە ارنالعان كيىمى تىم ەرەكشە.

كانادا ۇلتتىق قۇراماسىنىڭ فورماسىن اعايىندى ديزاينەرلەر دەن جانە دين كەيتەن DSquared2 برەندىمەن دايىنداعان. تۋدىڭ تۇسىنە سايكەس كەلەتىن سپورتتىق كيىم زاماناۋي ۇلگىدە جاسالعانى كورىنىپ تۇر.

كۋبالىق ۇلتتىق قۇراما تۇگەلىمەن شالبار كيەتىن بوپ شەشكەن. فورمانىڭ ديزاينەرى – كريستيان لۋبۋتەن.

شۆەدتىك برەند H&M وليمپيادا جانە پاراوليمپيادا ويىنشىلارىنا ارناپ، ەل تۋىنىڭ تۇسىمەن ۇندەستىرە ارنايى كيىمدى ۇسىنعان. كيىمدەرىندەگى "شۆەسيا" دەگەن جازۋمەن جانە پاتريوتتىق وبرازبەن دايىندالعان سپورتتىق كيىم قاتىسۋشىلارعا زور دەمەۋ بولاتىنى ءسوزسىز.

ۇلىبريتانيالىق سپورشىلاردىڭ وليمپيادالىق كيىم ۇلگىسىن Adidas برەندى ۇسىنعان. ستەللى ماككارتني ەسىمدى ديزاينەردىڭ ويىمەن جاسالعان كيىمگە ەلتاڭبا كوپ بەينەلەنگەن.

بيىل اقش قۇراماسىن تاعى دا ديزاينەر رالف لورەن "كيىندىرگەن". كلاسسيكالىق وبرازدان اينىماي، مەملەكەتتىك تۋدىڭ تۇسىنە سايكەس دايىنداعان. الايدا حالىراقالىق وليمپيادا كوميتەتىنىڭ سپورتتىق ۇلگىسىنە سايكەس ەمەس دەپ سىن ايتۋشىلار قاتارى كوپ ەكەن.

فرانسيالىق قۇراما رەنە لاكوستو نەگىزىن قالاعان Lacoste برەندىنىڭ كيىمىمەن ەلىن تانىستىرماق. فرانسۋز فورماسىنىڭ ءستيلىن كوپشىلىك تىم "سالماقتى" دەسە، ەندى ءبىرى جاستارعا ۇيلەسپەيدى دەگەن.

وڭتۇستىك كورەيا قۇراماسى امەريكالىق قۇراما سەكىلدى كلاسسيكالىق وبرازدى ۇستانعان. كيىمنىڭ باستى ەرەكشەلىگى ماسا ارقىلى جۇعاتىن زيكا ۆيرۋسىنان قورعايدى. كورشىلەس رەسەي ەلى دە وسى ەلدىڭ قورعانۋ ءادىسىن پايدالانعان ەكەن.

بۇل – رەسەيلىك وليمپياداعا قاتىسۋشىلارىنىڭ شەرۋ كيىمى.

اۋستراليا قۇراماسى 1924 جىلى وليمپادادا ب ا ق سىناعان قۇرامانىڭ ۇلگىسى نەگىزىندە جاساعان ەكەن. رەستروستيلمەن ەرەكشەلەنگەن مىنا كيىم ۇلگىسى دە زيكا جۇقپالى اۋرىنان ساقتاندىرىلعان.