ەلشىلىكتىڭ لاۋازىمدى قىزمەتكەرلەرى ۇل-قىزدارىنىڭ وقۋ ورنىن ەردوعاننىڭ مالىمدەمەسىنەن كەيىن دەرەۋ  اۋىستىرۋعا ءماجبۇر بولىپتى، - دەپ حابارلايدى Qamshy.kz كتك ارناسىنا سىلتەمە جاساپ.

ياعني تۇركيا پرەزيدەنتى ماقتاۋلى ءبىلىم وردالارى امەريكادان پانا تاپقان  ايگىلى يسلام ناسيحاتتاۋشىسى فەتحۋللاح گۇلەنمەن تىعىز بايلانىستى دەپ جاقتاستارىن شەتىنەن تۇتقىنداپ جاتقانى بەلگىلى. ال مىڭداعان شاكىرت ءبىلىم الىپ جۇرگەن  قازاق-تۇرىك ليسەيلەرىن قاداعالايتىن كاتەV قورى مەن ءبىلىم مينيسترلىگى تۇرىك ەلشىسىنە جاۋاپ قايتارىپ، مەكتەپتەردىڭ بىردە ءبىرى  جابىلمايتىنىن مالىمدەدى. استاناداعى قازاق-تۇرىك ليسەيىندە تۇركياعا قاتىستى ەشقانداي بەلگى جوق. تۋى تۇگىلى، تۇرىكشە ءبىر جازۋ تاپپايسىز. كىرەبەرىسكە قازاقتىڭ كوك بايراعى قويىلىپ، جانىندا ەلتاڭبا مەن ءانۇراننىڭ ءسوزى جازىلعان تاقتايشا  ءىلۋلى  تۇر. جانىبەك پەن كەرەي باستاعان ايگىلى قازاق حاندارىنىڭ ءمۇسىنى دە توردەن ورىن تاپقان. مۇنداعى وقۋشىلار گۇلەننىڭ كىم ەكەنىن دە بىلمەيدى. ەسەسىنە، ءار كابينەتتە نازاربايەۆتىڭ ناقىلدارى ءىلىنىپ، جاستىق شاعى، ءومىربايانى، كىتاپتارى مەن  «ماڭگىلىك ەل» جايلى اقپارات كوپ.

جالپى، بۇل ءبىلىم ورداسىن 24 جىل بۇرىن تۇركيانىڭ 8ء-شى پرەزيدەنتى تۇرعىت ءوزالدىڭ ءوزى كەلىپ اشىپ، كەيىن سۇلەيمەن دەميرەل، ابدۋللا گۇلگە دەيىن باس سۇعىپ  ماقتاپ كەتكەن. الايدا ەردوعاندى تاقتان تايدىرا جازداعان توڭكەرىستەن سوڭ، رەسمي انكارا اياق استىنان قۇبىلىپ، وپپوزيسيونەر، ايگىلى ءدىني عالىم گۇلەن قارجىلاندىرادى دەگەن جەلەۋمەن الەم ەلدەرىندەگى  ليسەيلەردى جابۋدى تالاپ  ەتىپ، قازاقستانعا دا قىر كورسەتە باستادى. ءبىر قىزىعى، ەردوعاننىڭ قاھارىنان قورىقتى ما، استاناداعى تۇرىك ەلشىلىگىنىڭ ديپلوماتتارى دا ۇل-قىزدارىن ەليتالىق مەكتەپتەن دەرەۋ الىپ كەتىپتى. ال قتل-داردى باسقاراتىن KATEV قورى تۇركياعا ەش قاتىسى جوقتارىن، تەك ءبىلىم مينيسترلىگىنە باعىناتىنىن، مەكتەپتە ءدىندى دارىپتەمەك تۇرماق، ناماز وقۋعا تىيىم سالىنعانىن ايتتى.

ء-بىزدىڭ ەشقانداي سىرتقى مەملەكەت، ۇكىمەت ۇيىمدارمەن نەمەسە جەكە تۇلعالارمەن ەشقانداي قارىم-قاتىناسىمىز جوق. ءبىز تەك قانا قازاقستان رەسپۋبليكاسىنىڭ ءبىلىم زاڭناماسىنداعى زايىرلى ءبىلىم بەرۋمەن اينالىسامىز. ءبىزدىڭ ءبىلىم وشاقتارىن ەشقانداي ساياساتقا ارالاستىرۋدىڭ قاجەتى جوق دەپ ويلايمىن، - دەيدى كاتەV حالىقارالىق قوعامدىق قورىنىڭ پرەزيدەنتى دارحان وتە.

تانىمال ات مامانى ارشات ورازوۆ 1997 جىلى اقتوبەگى قازاق-تۇرىك ليسەيىن ۇزدىك بىتىرگەن دارىننىڭ ءبىرى. ەندى ارادا 20 جىل وتكەندە، ءوزى ءبىلىم العان مەكتەپتە پانتيۋركيزم، ءدىندى ارالاستىرىپ، بولاشاقتا تۇرىك ەليتاسىنا قىزمەت ەتەتىن كادر  تاربيەلەيدى ەكەن دەگەن اڭگىمەنى ەستىگەندە جاعاسىن ۇستاعان.

-شىنىمدى ايتسام، گۇلەن دەگەن كىسى بارىن بىلگەن جوقپىن. ول جاقتا ءدىن تۋرالى ەشتەڭە  ايتىلعان جوق. ليسەيدە ەڭ ءبىرىنشى ورىنعا سول ءبىلىمدى قويادى. بالا ءوسىرىپ وتىرعان اتا-انا رەتىندە بالامىزدى سول ليسەيگە بەرگىمىز كەلەدى، - دەيدى قازاق-تۇرىك ليسەيىنىڭ تۇلەگى ارشات ورازوۆ

گۇلەننىڭ ءىلىمىن ناسيحاتتايدى دەپ تۇركيا افريكا  ەلدەرىن ايتپاعاندا كورشىلەس قىرعىزستانعا قىر كورسەتىپ جاتىر. بۇگىن  پرەزيدەنت اتامبايەۆتىڭ ءوزى ىشكى ىسىمىزگە  ارالاسپاڭدار دەپ ازۋىن كورسەتتى. سوندىقتان ساياساتتانۋشىلار دا رەسمي استانانىڭ باتىلىراق قيمىلداعانىن قالايدى.

-بۇل ەندى شىنىن ايتۋ كەرەك، تۇركيا مەملەكەتىنە دە، تۇرىك ديپلوماتياسىنا دا ابىروي اپەرمەيتىن مالىمدەمە بولدى. قازاق-تۇرىك ليسەيى دەگەن اتى بولماسا،  نەگىزىنەن مەملەكەتتىك مەكەمەلەر. ونىڭ ارتىنان گۇلەندى ىزدەۋ، نەمەسە باسقانى ىزدەۋ  اقىلسىزدىق، - دەيدى ساياساتتانۋشى ايدوس سارىم.

ال تۇركيا ەلشىسىنىڭ وتكەن اپتاداعى «شۇعىل شەشىم شىعارىڭدار» دەگەن مالىمدەمەسىنەن كەيىن ءبىلىم مينيسترلىگى  27 قازاق-تۇرىك ليسەيىنىڭ جابىلمايتىنىن  قاداپ ايتتى. ياعني 1ء-شى قىركۇيەكتە 10 مىڭنان استام وسىنداي ءبىلىم وشاعىنىڭ  شاكىرتتەرى وقۋىن جالعاستىرا بەرەدى.

-مۇنداعى جۇمىس ىستەپ جاتقان مۇعالىمدەردىڭ 90-پايىزدان استامى ءبىزدىڭ قازاقستانننىڭ  ازاماتتارى. سوندىقتان سىرتتان باسقا دا ءبىر ۇيىمداردىڭ باسقا مەملەكەتتىڭ ارالاسۋىنا قۇقىعى جوق دەپ سانايمىز، - دەيدى ءىلىم جانە عىلىم مينيسترلىگىنىڭ باسپا ءسوز حاتشىسى ايگەرىم الىبەكوۆا.

وسى كەزدە ەلىمىزدىڭ سىرتقى ىستەر ميينيسترلىگى حالىقارالىق جانجال شىقپاسىن دەپ وتىر ما، ازىرگە ءۇنسىز. دەسەك تە، كەيبىر ساياساتتانۋشىلار ەلدى دۇرلىكتىرگەن  تۇركيا ەلشىسىنىڭ مالىمدەمەسىنەن كەيىن ونى، سىرتقى ىستەر ۆەدومستۆوسى شاقىرتىپ الىپ، تۇسىنىكتەمە تالاپ ەتۋى كەرەك ەدى دەيدى. جاڭا وقۋ جىلىنىڭ باستالۋىنا ءبىر اي قالعاندا  مىڭداعان شاكىرت پەن اتا-انالاردى تولعانتىپ قويعان شۋدان سوڭ  كATEV قورى ءبىلىم ميينيسترىلىگىنە قازاق-تۇرىك ليسەيىنىڭ اتاۋىن وزگەرتۋ تۋرالى ۇسىنىس جاساماق.