پروكۋراتۋرا  "استانا ەكسپو-2017" كومپانياسىنان اقشا جىمقىرۋ بويىنشا سوتتالعان الىشەر پىرمەتوۆتىڭ ۇكىمىن جوققا شىعاردى، - دەپ حابارلايدى Qamshy.kz Today.kz - كە سىلتەمە جاساپ. بۇل تۋرالى تىلشىلەردىڭ قاداعالاۋ ورگانىنا جولداعان رەسمي ساۋالىنا بەرگەن جاۋابىنان بەلگىلى بولدى.

پروكۋراتۋرادا الىشەر پىرمەتوۆتىڭ ارەكەتى قىلمىستتىق جانە قاساقانا اۋىر قىلمىستارعا جاتاتىنىن ءتۇىندىردى. ق ر قك 189-بابىنىڭ 4-تارماعىنىڭ 2-تارماقشاسى بويىنشا مۇنداي جاعدايدا ايىپتالۋىشىنىڭ مۇلكى تاركىلەنە وتىرىپ 12 جىلعا باس بوستاندىعىنان ايىرىلادى جانە ءومىر بويى قىزمەتتىك ورىنداردا جۇمىس ىستەي المايدى.

"ءا.ح.پىرمەتوۆكە قوسىمشا جازا قولدانۋ ماسەلەسىن تالقىلاۋ كەزىندە سوت ونىڭ كامەلەتكە تولماعان بالالارى بارىن، بۇرىن ءىستى بولماعانىن، ونىڭ سوتقا دەيىنگى جانە سوتتان كەيىنگى قىلىعىن ەسكەرە وتىرىپ، قىزمەتكە تاعايىندالۋ مەن بەلگىلى ءبىر قىزمەتپەن اينالىسۋعا تيىم سالۋ جازاسى ءجونسىز دەگەن شەشىمگە كەلدى"، - دەپ ءتۇسىندىردى پروكۋرورلار.

سوت الىشەر پىرمەتوۆكە قاتىستى بەس جىل مەرزىمگە پروباسيالىق باقىلاۋ تاعايىندادى. سونىمەن قاتار ول وكىلەتتى ورگاندى ەسكەرتپەي تۇرعىلىقتى جەرى مە جۇمىس ورنىن اۋىستىرا المايدى.