ايىرباس باعامىنىڭ وزگەرۋىنە سەبەپ جوق. وسىلايشا ق ر ۇلتتىق بانك ءتوراعاسى اقپارات قۇرالدارىندا ۇلتتىق ۆاليۋتا باعامىنىڭ دوللارعا قاتىسى ايتارلىقتاي السىرەۋى تۋرالى جاريالانعان بولجامدارىنا قاتىستى پىكىر ءبىلدىردى، - دەپ حابارلايدى Qamshy.kz Tengrinews.kz - كە سىلتەمە جاساپ.

"قازىرگى ۋاقىتتا تەڭگەنىڭ باعاسى ەلىمىزدەگى سىرتقى جانە ىشكى جاعدايلارعا جاۋاپ رەتىندە وزگەرىپ وتىر. اقشا-كرەديت ساياساتىندا دا تەڭگەرىمسىزدىك بايقالمايدى. ايىرباس باعامى ايتارلىقتاي وزگەرەدى دەپ ايتۋعا ەشقانداي نەگىز جوق"، - دەدى ۇلتتىق بانكتىڭ ءتوراعاسى.

سونىمەن قاتار، ول ۇلتتىق بانكتەگىلەردىڭ ايىرباس باعامىنىڭ ەركىن اۋىتقۋ ساياساتىنىڭ اياسىندا باعامعا ەشقانداي شەكتەۋ قويمايتىنىن ايتتى. "ۇلتتىق بانكتىڭ وپەراسيالارى اۋقىمدى وزگەرىستەر مەن تۇراقسىزدىققا شەكتەۋ قويۋعا باعىتتالعان. ءقازىر مۇنايدىڭ باعاسى باررەلىنە 40 دوللار بولىپ تۇر. ال تەڭگەنىڭ رۋبلگە قاتىسى 4،6-دان 5،3 تەڭگەگە دەيىن السىرەدى. وسى جاعدايلاردا ۇلتتىق ۆاليۋتا باعامى ساقتالادى. ەگەر دە مۇنايدىڭ باعاسى باررەلىنە 35 دوللاردان تومەن بولسا جانە رۋبل باررەلىنە 70 دوللاردان اسىپ كەتسە، تەڭگەنىڭ باعامى وزگەرۋى مۇمكىن"، - دەپ ءتۇسىندىردى دانيار اقىشيەۆ.

ەسكە سالايىق، وسىعان دەيىن ۇلتتىق بانك ءتوراعاسى نازاربايەۆقا تەڭگەنىڭ السىرەۋ سەبەبىن ايتىپ بەرگەن بولاتىن. كەزدەسۋ بارىسىندا دانيار اقىشيەۆ ەلباسىنا ۇلتتىق بانكتىڭ اعىمداعى قىزمەتى، اقشا-نەسيە ساياساتىنىڭ باستى باعىتتارى تۋرالى، سونىمەن قاتار ەلدىڭ قارجى نارىعىنداعى احۋال تۋرالى باياندادى.