قازاقستاننىڭ ەنەرگيا جۇيەسى ەلىمىزدىڭ بارلىق سۇرانىسىن قاناعاتتاندىرا الادى. سوندىقتان بولاشاقتا قىرعىزستاننان الىپ وتىرعان ەنەرگيادان باس تارتۋ مۇمكىندىگى سونشالىقتى وزەكتى ەمەس.
بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگتە «سامۇرىق-ەنەرگو» اق باسقارما باسشىسى الماسادام ساتقالييەۆ ايتتى.
«قازىرگى ۋاقىتتا قازاقستاندىق ەنەرگيا جۇيەسى قىرعىزستاننان تۇراقتى قۋات ساتىپ الىپ وتىر. دەگەنمەن ءبىز ءوز كۇشىمىزبەن ەلىمىزدەگى بارلىق قاجەتتىلىكتى قامتاماسىز ەتە الامىز. قىرعىز ەلىنەن الاتىن ەنەرگيادان باس تارتۋ ماسەلەسى ايتارلىقتاي وزەكتى ەمەس، ءبىز مۇنداي جاعدايعا تولىقتاي دايىنبىز دەپ ايتۋعا بولادى. سولتۇستىكتەگى ستانسالاردى جەدەل تۇردە جوندەۋدەن وتكىزىپ، قۋاتىن كۇشەيتۋگە مۇمكىندىگىمىز بار. سونداي-اق، مەملەكەت تاراپىنان مازۋتقا دوتاسيالار بولعان جاعدايدا جامبىل مەملەكەتتىك اۋداندىق ەلەكتر ستانساسىن (ماەس) قوسامىز»، - دەدى ا. ساتقالييەۆ.
inform.kz
