قازاقستان رەسپۋبليكاسى پرەزيدەنتىنىڭ 2016 جىلعى 1 شىلدەدەگى  «2016 جىلعى 1 جارتىجىلدىقتا يندۋستريالاندىرۋدىڭ قورىتىندىلارى تۋرالى» جينالىستا ايتىلعان حالىقتى ءتيىمدى جۇمىسپەن قامتۋ جانە لايىق تابىس دەڭگەيىن قامتاماسىز ەتۋ تۋرالى تاپسىرماسىن ورىنداۋ اياسىندا قازاقستان رەسپۋبليكاسىنىڭ اۋىل شارۋاشىلىعى مينيسترلىگى حالىقتى جۇمىسپەن قامتۋدى جانە اۋىلشارۋاشىلىق ءونىم كولەمىن ارتتىرۋ بويىنشا بىرنەشە شارالار قاراستىردى، - دەپ حابارلايدى Qamshy.kz.

سيىر ەتىن ءوندىرۋ ءۇشىن اشم، جەكە قوسالقى شارۋاشىلىقتار نەگىزىندە 5-20 ءىقم باسىن بورداقىلايتىن شاعىن مال بورداقىلاۋ الاڭدارىن قارجىلاندىرۋدى جوسپارلاۋدا. بورداقىلاۋدان كەيىن بۇقالار ءتيىستى قۇرالدارمەن جابدىقتالعان مال سويۋ بەكەتتەرىنە تاپسىرىلادى. مال سويۋ بەكەتتەرى بورداقىلاۋمەن اينالىساتىن جەكە قوسالقى شارۋاشىلىقتاردان قۇرىلعان اۋىلشارۋاشىلىق كووپەراتيۆتەردىڭ نەگىزىندە ۇيىمداستىرىلادى.

2016 جىلى بۇل شارالاردى جۇزەگە اسىرۋعا «جۇمىسپەن قامتۋ 2020 جول كارتاسى» باعدارلاماسىنىڭ قارجىسى باعىتتالادى. جىل باسىنان اۋىل شارۋاشىلىعىن قارجىلاي قولداۋ قورى جىلپى كولەمى 9،2 ملرد. تەڭگەگە 3،7 مىڭ جوبانى قارجىلاندىردى. ونىڭ ىشىندە وڭتۇستىك قازاقستان وبلىسىندا 2،4 ملرد. تەڭگەگە 913 قارىز الۋشى قارجىلاندىرىلعان. شاعىن نەسيە رەتىندە بەرىلگەن قاراجاتتىڭ 70% مال شارۋاشىلىعىن دامىتۋعا جۇمسالدى.

جقجك 2020 قاتىسۋشىلارىن اتالعان باعىتتا قارجىلاندىرۋ ءۇشىن اۋىل شارۋاشىلىعىن قارجىلاي قولداۋ قورى تاراپىنان «بەرەكە» باعدارلاماسى ازىرلەندى.

نەسيەنىڭ ماقساتتى باعىتتالۋى – ءىرى قارا، ۇساق ءمۇيىزدى مال، جىلقى، باسقا دا اۋىلشارۋاشىلىق مال مەن قۇستى بورداقىلاۋ مەن اۋىلشارۋاشىلىق ءونىم الۋ ءۇشىن ساتىپ الۋ، سونداي-اق، مال ازىق ساتىپ الۋ بولىپ تابىلادى. قارىزدىڭ ماكسيمالدى سوماسى – 3 ميلليون تەڭگەگە دەيىن، قارىزدى مەرزىمنەن بۇرىن وتەگەن قاتىسۋشىلار ءۇشىن – 5 ميلليون تەڭگەگە دەيىن، قارىزدىڭ مەرزىمى – 4 جىلعا دەيىن. 500 مىڭ تەڭگەگە دەيىن قارىزدار بويىنشا سىياقى ۇستەمەسى – جىلدىق 4،8%، 500 مىڭ تەڭگەدەن اساتىن قارىزدار بويىنشا – جىلدىق 6%. جىلدىق ءتيىمدى سىياقى ۇستەمەسى – سايكەسىنشە، 5% جانە 6،7%.

بەگمۋرات يۋنۋسالييەۆ جانە شاحنوزا تويچييەۆا - وڭتۇستىك قازاقستان وبلىسى سايرام اۋدانى قارابۇلاق اۋىل وكرۋگىنىنىڭ تۇرعىندارى. 2014 جىلى ولار جۇمىسپەن قامتۋ 2020 جول كارتاسى بويىنشا 3 ميلليون تەڭگەدەن شاعىن نەسيە الىپ، ءارقايسىسى 20 باس ءىرى قارا مال ساتىپ الدى. سيىرلاردى شارۋاشىلىقتارىندا قالدىرىپ، بۇقالاردى بورداقىلاپ، جەرگىلىكتى ساۋدا ورىندارىنا تاپسىرادى.

رەسپۋبليكا بويىنشا 2016 جىلى 55 مىڭعا جۋىق مال باسىنا ارنالعان 7 مىڭنان استام شاعىن مال بورداقىلاۋ الاڭى قارجىلاندىرىلادى دەپ كۇتىلۋدە. بۇل ماقساتتا 10،9 ملرد. تەڭگە باعىتتاۋ جوسپارلانعان. ونىڭ ىشىندە وڭتۇستىك قازاقستان وبلىسىندا – 7،9 مىڭ مال باسىنا ارنالعان 1000 وتباسىلىق شاعىن الاڭ 3 ملرد. تەڭگەگە.

«اۋىل شارۋاشىلىعىن قارجىلاي قولداۋ قورى» اكسيونەرلىك قوعامى - «قازاگرو» ۇلتتىق باسقارۋشى حولدينگى» اق قۇرامىنا كىرەتىن مامانداندىرىلعان قارجى-نەسيەلىك ۇيىمى بولىپ تابىلادى. قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ بانكتىك قارىز وپەراسيالارىن جۇزەگە اسىرۋعا ليسەنزياسى بار. قوردىڭ نەگىزگى مىندەتى – قارجىلىق قىزمەتتەر مەن رەسۋرستارعا اۋىل تۇرعىندارىنىڭ قول جەتىمدىلىگىن ارتتىرۋ.