استانادا جۇقپالى اۋرۋلار اۋرۋحاناسىنا لاڭكەستەر باسىپ كىردى. وسىنداي سەنارييمەن ىشكى ىستەر دەپارتامەنتى جاتتىعۋىن باستادى. سوندىقتان بۇگىن دابىل بويىنشا كۇش قۇرىلىمدارى مەن قۇتقارۋ قىزمەتتەرى اياعىنان تىك تۇرىپ، مەديسينا مەكەمەسىنە دەرەۋ جەتتى، - دەپ حابارلايدى Qamshy.kz كتك ارناسىنا سىلتەمە جاساپ.
قارۋ اسىنعان ارنايى جاساق الدىمەن اۋرۋحانانى تەگىس قورشاۋعا الدى. ويتكەنى قاسكويلەر بىرنەشە ناۋقاس پەن دارىگەردى كەپىلگە العان ەكەن. سەناريي بويىنشا، لاڭكەستىككە قارسى جەدەل شتاب سودىرلارمەن كەلىسسوز جۇرگىزىپ، كەپىلدەگىلەردى بوساتىپ الدى. ادامداردىڭ ومىرىنە تونگەن ءقاۋىپ سەيىلگەن سوڭ، ارنايى جاساق ستراتەگيالىق نىسانعا جاسىرىنعان لاڭكەستەردىڭ كوزىن جويىپ، عيمارات ولاردان تولىقتاي تازارتىلدى. ال وقۋ-جاتتىعۋ جايلى ىشكى ىستەر دەپارتامەنتى الدىن-الا ەسكەرتكەندىكتەن، تۇرعىندار قارۋ اسىنعان ساربازداردىڭ جانىنان اسپاي-ساسپاي ءوتىپ جاتتى.
