تانىمال وتاندىق بيزنەسمەن مارات جۇپقازييەۆ بەسىنشى تامىز كۇنى تايلاندتان ەلىمىزگە ەكستراديسيالاندى، - دەپ حابارلايدى Qamshy.kz قازاقپاراتقا سىلتەمە جاساپ.
باس پروكۋراتۋرا جانە مەملەكەتتىك كىرىستەر كوميتەتىنىڭ قىزمەتكەرلەرى قازاقستان رەسپۋبليكاسىنىڭ تايلاندتاعى ەلشىلىگىنىڭ قولداۋىمەن قازاقستان ازاماتىن قىلمىستىق جاۋاپكەرشىلىككە تارتۋ ءۇشىن ەكستراديسيالادى. بۇل تۋرالى قازاقستان رەسپۋبليكاسى باس پروكۋراتۋراسىنىڭ باسپا ءسوز قىزمەتىنەن حابارلادى.
36 جاستاعى مارات جۇپقازييەۆ ەكونوميكالىق قىلمىستار جاساعانى ءۇشىن وڭتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ ىزدەۋىندە بولعان. ول قىلمىستىق توپ قۇرامىندا بىرنەشە جالعان كاسىپكەرلىك قۇرعانى، بيۋدجەتكە سالىق تولەۋدەن جالتارۋعا جاعداي جاساۋى ناتيجەسىندە مەملەكەتكە اسا ءىرى مولشەردە، 4 ملرد. تەڭگە سوماسىندا زالال كەلتىرگەنى ءۇشىن ايىپتالۋدا.
قازىرگى ۋاقىتتا جۇپقازييەۆ الماتى قالاسىنىڭ تەرگەۋ يزولياتورىنا قاماۋعا الىندى.
