بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارى زەيد رااد ال-حۋسەين يراندا 20 ادامنىڭ ءولىم جازاسىنا كەسىلۋىن ايىپتاعان مالىمدەمە تاراتتى، - دەپ حابارلايدى Qamshy.kz.
باسى كەسىلگەن جيىرما كىسىنىڭ بارلىعى تەررروريزممەن بايلانىستى كورىنەدى. اقپاراتتارعا قاراعاندا ولاردىڭ باسىم بولىگى كۇردتەر ورتاسىنان شىققان سۇننيتتەر. بۇۇ-نىڭ باس قۇقىق قورعاۋشىسى سوت پروسەسىنە بايلانىستى كۇدىكتەر كەلتىردى.
ماسەلەن، شاحراما احمادي دەگەن سوتتالۋشىنى پوليسەيلەر اياۋسىز سوققىعا جىعىپ، بوس قاعازعا قول قويدىرعان. ارتىنان ول قاعازعا جالعان تۇردەگى ايىبىن مويىنداۋ ءماتىنى باسىلىپتى. زەيد رااد ال-حۋسەين وتكەن ايدا وسى ەلدەگى 19 جاسار قىلمىسكەردىڭ ءولىم جازاسىنا كەسىلۋىنە بايلانىستى دا ايىپتاۋ ءسوز سويلەگەن بولاتىن.
