بالبالتاستان سىر ىزدەگەن، اتا تاريحىمىزدىڭ قاتپارلارىنا ءۇڭىلىپ، "قاسقىر قۇداي بولعان كەزدەن" بەرگى زامانعا دەيىنگى ارالىقتى زەردەلەپ، شىڭعىسحان شىندىعىن قاۋزاعان قايران قايسار اقىن ءامىرحان بالىبەك 45-كە قاراعان  شاعىندا دۇنيەدەن وزدى.

ءامىرحان بالقىبەك 1969 جىلى 19 مامىردا جەتىساي اۋدانىنا قاراستى لەنين اتىنداعى ۇجىمشاردا تۋعان. 1986 جىلى شاردارا كالاسىنداعى م. اۋەزوۆ اتىنداعى ورتا مەكتەپتى ءبىتىرىپ، 1987-89 جىلدارى اسكەردە بولدى. اسكەردەن ورالعان سوڭ شاردارا اۋداندىق "وسكەن ءوڭىر" گازەتىندە ءتىلشى بولدى. 1990 جىلى ءال-فارابي اتىنداعى قازاقتىڭ مەملەكەتتىك ۇلتتىق ۋنيۆەرسيتەتىنە وقۋعا تۇسەدى. 1995-2000 جىلدارى رەسپۋبليكالىق "پاراسات"، "جاس الاش"، "انا ءتىلى" باسىلىمدارىندا قىزمەت اتقاردى. ءامىرحان بالقىبەك كازاقستان جازۋشىلار وداعىنىڭ مۇشەسى. ادەبيەت سالاسى بويىنشا ەكى رەت (1997، 1998) پرەزيدەنت ستيپەندياسىن يەمدەنگەن. سونىمەن قاتار، "مەتامارفوزا"(1996)، "سىنعان ساۋلەنىڭ شاعىلىسۋى" (2001) اتتى جىر كىتاپتارىنىڭ اۆتورى.

ءامىرحان بالقىبەكتىڭ وتتى جىرلارى مەن جارقىن بەينەسى قازاق جۇرتىنىڭ ەسىندە ماڭگى قالماق. اقىننىڭ وتباسىنا جانە وقىرمان قاۋىمىنا كوڭىل ايتامىز! جاتقان جەرى جايلى، توپىراعى تورقا بولعاي!

ارمان  اۋباكىر، جۋرناليست: - قايران، ءامىرحان اعام! تۋرا ۇلىستىڭ ۇلى كۇنىندە الماتىداعى الاڭنان كورىپ ەدىم ءوزىڭىزدى. باياعى جايدارى جىميىس، باياعى قاعىتپا قالجىن... سول كەزدە سىزبەن سوڭعى رەت جۇزدەسىپ تۇرعانىمدى بىلسەمشى... 2010 جىلى شاماسىندا قازاق ۇلتتىق ۋنيۆەرسيتەتىنىڭ شاعىن جاتاقحاناسىندا وزىڭىزبەن كەزدەسۋ وتكىزگەنىمىز ءالى ەسىمدە. ءتۇپسىز تاريحتان تولعاپ، ادەبيەت الەمىنە تەرەڭ بويلاپ، ارقىراعان سارقىراماداي جىردان شاشۋ شاشىپ ەدىڭىز. ەندى ءسىزدىڭ ەكىنشى ءومىرىڭىز باستالدى. كۇكى تىرشىلىكتەن تاۋەلسىز ءومىر! اسپانعا اسقاق رۋحىڭىز اساۋ جىرلارىڭىزبەن سىرلى سۋرەت سالعان شىعار... ونى وقيتىن بىزدە "كوز" قايدا؟ ءسىزدى كوپ كىسى جاس دەدى، ءبىراق، باس بولۋعا لايىق ەدىڭىز. قادىرىڭىزگە جەتە الماعانىمىز ءۇشىن كەشىرىڭىز ءبىزدى!.. ەندى وكىن نە، وكىنبە نە؟ باقۇل بول، اعا!

ەرلان ءجۇنىس، اقىن: كەز-كەلگەن جاس ادامعا، جاس قالامگەرگە: "باhادyرiم-ەي"، "جەتi بiر دە بوزداعىم"، "سەن گەنييسiڭ-ەي" دەيتiن قايران كوكەم-اي، قايران قاسكىر كوكەم-اي، قوش بولىڭىز!

تاناگوز ءىلياسوۆا: - ءولىم سونشالىقتى جاقىن... كەشە ءۇيىمنىڭ قاسىنداعى كوشەنى قۇرىلىسشىلار تەرەڭ ەتىپ قازىپ تاستاپتى. شىركىن، وسىنىڭ استىندا ءولىپ جاتسا عوي دەگەن ءبىر وي كەلدى. ءولىمنىڭ كەرەمەت سۇيكىمدى بولىپ كورىنگەنى وسى شىعار. ولگەن ادامدار قانداي باقىتتى، ءبىز نەگە ودان سونشا ۇرەيلەنەمىز دەدى ەكىنشى ويىم. بىلمەيمىن، بۇگىن مىناداي سۋىق حابار الدىق. ءبارى بىر-بىردەن كەتىپ جاتىر. ەسەنقۇل، فاريزا، ءامىرحان... بىزگە كەزەك قاشان كەلەدى ەكەن؟

ايدوس  سارىم: ساياساتتانۋشى: - جولداسىمىز، اقيىق اقىن، تالانتتى پۋبليسيست ءامىرحان بالقىبەكتەن ايرىلىپ قالدىق.... سوڭعى حابارلاسقاندا "ەي، ايدوس-ەي! ءبارىن وقيسىڭ عوي، ماعان مو ياننىڭ رومانىن تاۋىپ بەرشى. اسىقپاي وقيىن" دەپ ءوتىنىش ايتىپ ەدى. كىتاپ دۇكەنىنە بارىپ، ساتىپ الىپ، جىگىتتەردەن بەرىپ جىبەرىپ ەدىم. جارق-جارق ەتىپ، گۇر-گۇر ەتىپ رەداكسياعا كەلىپ، كوڭىلدى ءبىر كوتەرۋشى ەدى. ءبىر عانا "مورسكايا پەحوتاسى" قانداي ەدى... كىم ويلاعان؟؟ توبەدەن جاي تۇسكەندەي بولىپ وتىرمىن... اللاعا دا اقجارقىن ادامدار قاجەت شىعار... قوش بول، ابەس! يمانىڭ جولداس بولسىن....