ق ر پرەمەر-مينيسترى كارىم ءماسىموۆ بۇگىن پاۆلودار وبلىسىنا جۇمىس ساپارى بارىسىندا جاستار باستامالارى ورتالىعىندا ستۋدەنتتەرمەن جانە جۇمىسشى جاستارمەن كەزدەستى، - دەپ حابارلايدى Qamshy.kz قازاقپاراتقا سىلتەمە جاساپ.

ۇكىمەت باسشىسىنىڭ كەزدەسۋى «سۇراق-جاۋاپ» تۇرىندە ءوتتى. سونىمەن بىرگە، ءسوز سويلەگەندەر وزدەرىنىڭ جوبالارى جانە قوعامدىق ىستەرى تۋرالى اڭگىڭمەلەدى.

كارىم ءماسىموۆ پاۆلودار مەملەكەتتىك ۋنيۆەرسيتەتىنىڭ ستۋدەنتتەرى ستارتاپ اۋقىمىندا قىمىزدان بالمۇزداقتىڭ بىرەگەي رەسەپتىسىن جاساعانىن ەستىگەندە: «قىمىزدان بالمۇزداق؟»، - دەپ قايتالاپ سۇرادى دا: «مۇنداي دا بار ما؟ ءدامىن تاتىپ كورۋ كەرەك ەكەن».، - دەدى.

بۇل جوبا جايىندا پرەمەر-مينيسترگە ونىڭ  اۆتورلارىنىڭ ءبىرى نۇرعيزا كاليموۆا ايتىپ بەردى.

ك.ءماسىموۆ جينالعاندارعا قاراتا ايتقان سوزىندە ق ر ءبىلىم جانە عىلىم ءمينيسترى ەرلان ساعادييەۆ تە كەزىندە ستارتاپشى بولىپ ەڭبەك جولىن باستاعانىن، بالمۇزداق ساتقانىن ايتتى. ودان كەيىن مىنە مينيستر بولىپ وتىر. «سىزدەر دە وسىلاي ىستەي الاسىزدار»...»، - دەپ اتاپ ءوتتى پرەمەر-مينيستر.