تۇرمەدە جازاسىن وتەپ جاتقان «قازاتومونەركاسىپ» اق بۇرىنعى باسشىسى مۇحتار جاكىشيەۆ مەكەمەدە 5 ىنتالاندىرۋ العان جانە ءبىر مارتە جازاعا تارتىلعان، - دەپ حابارلايدى Qamshy.kz قازاقپاراتقا سىلتەمە جاساپ.

بۇل تۋرالى الماتى وبلىسى بويىنشا قىلمىستىق-اتقارۋ جۇيەسى دەپارتامەنتى ديرەكتورىنىڭ ورىنباسارى، ادىلەت پودپولكوۆنيگى قۋات قيلىبايەۆ مالىمدەگەن.

«جازاسىن وتەۋ كەزىندە 5 ىنتالاندىرۋ الدى جانە ءبىر رەت جازاعا تارتىلدى»، - دەلىنگەن رەسمي جاۋاپتا. دەگەنمەن حاتتا بۇل جازا نە ءۇشىن بولعانى، م.جاكىشيەۆ ونى قالاي وتەگەنى ايتىلمادى.

حاتتا اتاپ كورسەتىلگەنىندەي، مۇحتار جاكىشيەۆ، 1963 جىلى تۋعان، ق ر قك-نىڭ 176 بابىنىڭ 3 تارماعى، «ا»، «ب»، «گ» تارماقشاسى، 193 بابىنىڭ 3 تارماعى، «ا»، «ب» تارماقشاسى، 307 بابىنىڭ 4 تارماعى، 235 بابىنىڭ 1 تارماعى، 58 بابى 3، 6 تارماعى بويىنشا 14 جىلعا باس بوستاندىعىنان ايىرىلعان. الماتى وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ لا 155/8 مەكەمەسىنە 2015 جىلدىڭ 25 ساۋىرىندە جەتكىزىلدى. سونىمەن قاتار 2013 جىلدىڭ 31 جەلتوقسانىندا ق ر قىلمىستىق-اتقارۋ كودەكسىنىڭ 116 بابىنا سايكەس، مەكەمە كوميسسياسى ونى جازانى وتەۋدىڭ جەڭىلدەتىلگەن جاعدايلارىنا كوشىرۋدى شەشكەن. 

«مەكەمەگە جەتكىزىلگەننەن كەيىن جۇمىسقا ورنالاستىرىلدى. ەرىكتى تۇردە تالاپ-ارىزدى وتەۋدە. ەڭبەككە دەگەن قارىم-قاتىناسى وڭ. مەكەمە اۋماعىن اباتتاندىرۋعا، وتريادتىڭ مادەني-تۇرمىستىق جاعدايىن جاقسارتۋ ىسىنە تياناقتى قارايدى. تاربيەلىك، مادەني-بۇقارالىق جانە سپورتتىق شارالارعا، سونىمەن قاتار وتريادتىڭ قوعامدىق ومىرىنە بەلسەندى تۇردە قاتىسادى»، - دەپ حابارلادى «قازاقپارات» اگەنتتىگىنە.

 سونداي-اق، «شارتتى تۇردە مەرزىمىنەن بۇرىن بوساتۋ تۋرالى قولداۋحات مەكەمە اكىمشىلىگىنە تۇسپەگەندىكتەن، اتالمىش سۇراق سوتتا قارالعان جوق»، - دەپ حابارلايدى دەپارتامەنت وكىلى.