گرانت يەلەرىنىڭ ءتىزىمى سارسەنبى كۇنى جاريا ەتىلەدى، دەپ حابارلايدى Qamshy.kz «ەگەمەن-اقپاراتقا» سىلتەمە جاساپ.
ءبىلىم جانە عىلىم مينيسترلىگى جانىنان قۇرىلعان ارنايى كوميسسيا ۇلتتىق ءبىرىڭعاي تەست قورىتىندىسى بويىنشا مەملەكەتتىك ءبىلىم گرانتتارىن ءبولۋ ماسەلەسىن قاراۋدى اياقتاپ، گرانت الاتىن تۇلەكتەردىڭ اتى-جوندەرىن انىقتادى.
«ءبىراق كوميسسيا قورىتىندى ءتىزىمدى قايتا تەكسەرىپ شىعۋدى تاعى ءبىر كۇنگە ۇزارتۋىنا بايلانىستى، ونى جاريالاۋ ءبىر كۇنگە كەشەۋىلدەپ وتىر. ءتىزىم «ەگەمەن قازاقستان» گازەتىنىڭ 10 تامىز كۇنگى نومىرىندە جارىق كورەدى. ال ءتىزىمنىڭ باسىلىم سايتىنداعى (egemen.kz) نۇسقاسىن سىزدەر سول كۇنى تۇندە، ساعات 00:05-تەن باستاپ كورە الاسىزدار»، - دەلىنگەن حابارلامادا.
