رەسەي اسكەريلەرى سيريا جەرىندەگى دايش (قازاقستاندا قىزمەتىنە تيىم سالىنعان تەرروريستىك ۇيىم) ۇيىمىنىڭ لاڭكەستەرىنىڭ پوزيسيالارىنا اۋەدەن سوققى جاسادى، - دەپ حابارلايدى Qamshy.kz Tengrinews.kz - كە سىلتەمە جاساپ.

دۇيسەنبىدە، 8 تامىزدا كورشى ەلدىڭ قورعانىس مينيسترلىگىنىڭ باسپا ءسوز قىزمەتى رەسەيدەن تۋ-22م3 التى بومبالاۋشى ۇشاقتار ۇشىپ شىعىپ، پالميرادان شىعىس جانە سولتۇستىك-باتىسقا قاراي ەس-سۋحنە جانە اراك ەلدى مەكەندەرىنە جارقىنشاق-فۋگاس بومبالارىن تاستادى.

ۇشاقتار لاڭكەستەردىڭ باسقارۋ پۋنكتى مەن ۇلكەن دالالىق لاگەرىن تالقاندادى. "پالميرا جانە اراك اۋداندارىندا باسقارۋ پۋنكتى مەن لاڭكەستەر شوعىرلانعان جەرلەر، قارۋ-جاراق جاسىرىنعان جەرتولەلەر قويماسى، قۇرلىق اسكەرىنە ارنالعان اسكەري كولىكتەر، 12 ءىرى كاليبرلى پۋلەمەت ورناتىلعان ءجۇرىپ ءوتۋ مۇمكىندىگى جوعارى اۆتوكولىكتەر، قارسىلاس جاقتىڭ لاڭكەستەرىنىڭ كوپ مولشەردە كوزى جويىلدى، - دەلىنگەن ۆەدومستۆو تاراتقان حابارلامادا.

قورعانىس مينيسترلىگى YouTube ارناسىندا دايش نىساندارىنا جاسالعان سوققىنىڭ ۆيدەوسىن جاريالادى.