قىرعىزستان بيلىگى سيرياعا ەكسترەميستىك توپتار قاتارىنا قوسىلۋ ءۇشىن كەتپەك بولعان دەگەن كۇدىكپەن ەكى قىرعىز ازاماتىنىڭ قامالعانىن حابارلادى. قىرعىزستان مەملەكەتتىك ۇلتتىق قاۋىپسىزدىك كوميتەتى كۇدىكتىلەر بيىل شىلدەدە ەل اۋماعىنان تىسقارى جەردە ۇستالعانىن جاريالاعانىمەن، ناقتى قاي جەردە ۇستالعانىن ايتپادى، - دەپ حابارلايدى Qamshy.kz ازاتتىققا سىلتەمە جاساپ.

رەسمي مالىمەت بويىنشا، كۇدىكتىلەر شىلدەنىڭ باسىندا قىرعىزستاننان سيرياداعى ۇكىمەت كۇشتەرىنە قارسى سوعىستارعا قاتىسۋ ءۇشىن ۇشىپ كەتكەن. بۇل فاكت بويىنشا "جالدامالى بولۋ" بابى بويىنشا قىلمىستىق ءىس قوزعالىپ، ۇستالعاندار 30 شىلدەدە قىرعىزستانعان جەتكىزىلىپ، قامالعان.

بىشكەك سيريا مەن يراكتا "يسلام مەملەكەتى" ەكسترەميستىك ۇيىمى قاتارىندا 500-گە تارتا قىرعىزستاندىق سوعىسىپ ءجۇر دەيدى. قىرعىزستان ىشكى ىستەر مينيسترلىگى تەرروريزممەن كۇرەس باسقارماسىنىڭ مالىمەتىنشە، اتالعان ەلدەردە 30-عا تارتا قىرعىز ازاماتى مەرت بولىپ، 40-ى وتانىنا ورالعان.