الەۋمەتتىك جەلىلەردە ريو-دە-جاينەرودا جول قيىلىسىندا جەرگىلىكتى جاسوسپىرىمدەر سەرۋەندەپ جۇرگەن تۋريستەردى ەمىن-ەركىن توناپ جۇرگەن ۆيدەو تاراپ كەتتى، - دەپ حابارلايدى Qamshy.kz قازاقپاراتقا سىلتەمە جاساپ.
ۆيدەوداعى جازبادا جاسوسپىرىمدەر تۋريستەردىڭ ءاميانىن، سومكەسىن، ەلەكترونيكاسىن، باعالى زاتتارىن قالاي تارتىپ الىپ جاتقانى انىق كورىنەدى. تونالعانداردىڭ كوپشىلىگى قىلمىسكەرلەردى قۋدالاۋعا تىرىسپايدى دا.
ۆيدەو جەلىگە برازيليا وليمپياداعا دايىندالىپ جاتقان كەزدە وسى جىلعى ناۋرىزدا سالىنعان. الايدا پىكىر بىلدىرۋشىلەر دورەكى جاسوسپىرىمدەردىڭ ۇرلىق-قارلىعى ءالى دە ازايماي وتىرعانىن اتاپ وتۋدە.
