كيكبوكسشى ازامات نۇرپەيىسوۆتىڭ ەمىنە جينالعان قارجىنى ۇرلاعان ادام ۇستالدى،  - دەپ حابارلايدى Qamshy.kz "قازاقستان جاڭالىقتارىنا" سىلتەمە جاساپ.

اۋىر ناۋقاستان قايتىس بولعان كيكبوكسشى، قازاقستان جانە ازيا چەمپيونى ازامات نۇرپەيىسوۆتىڭ ەمىنە دوستارى، تۋىستارى، جاناشىرلارى مەن جانكۇيەرلەرى قارجى جيناعان بولاتىن. جينالعان قارجى الاياقتىق جولمەن قولدى بولعان. 6 ميلليون تەڭگەنى قولدى قىلعان 1993 جىلى تۋعان وقو تۇرعىنى ۇستالدى.

سقو ءىىد مالىمەتىنشە، ءقازىر كۇدىكتى قاماۋعا الىنعان. بەلگىلى بولعانىنداي، ول بۇعان دەيىن دە الاياقتىق ءىسى بويىنشا جازاسىن وتەگەن ەكەن.

ايتا كەتەيىك، ازامات نۇرپەيىسوۆ – حالىقارالىق دەڭگەيدەگى سپورت شەبەرى. ول قازاقستاننىڭ بىرنەشە دۇركىن چەمپيونى ءارى كۋبوك يەگەرى. 2009 جىلى يتاليادا وتكەن الەم چەمپيوناتىنىڭ كۇمىس جۇلدەگەرى. 2011 جىلى يرلانديادا وتكەن الەم چەمپيوناتىنىڭ قولا جۇلدەگەرى. 2013 جىلى تۇركياداعى الەم چەمپيوناتىندا كۇمىس مەدال العان.

2015 جىلدىڭ قىركۇيەگىندە سپورتشىعا 4 –ءشى دارەجەلى وكپە تۋبەركۋلەزى دەگەن دياگنوز قويىلدى.ازامات نۇرپەيىسوۆ ءبىر جىل بويى اۋرۋحانادا جاتىپ، اۋىر دەرتتەن قايتىس بولدى. وسى جىلدىڭ تامىزىندا ول 28 جاسقا تولاتىن ەدى. ازاماتتىڭ ارتىندا ايەلى مەن ەكى جاسار بالاسى قالدى.