شەتەلدىك شەنەۋنىكتەر، مەنەدجەرلەر، مينيسترلەر مەن پرەمەرلەر دە، ەلدەرىندە داعدارىس بولا قالسا جالاقىسىز بولماسا از كولەمدەگى جالاقىمەن ەڭبەك ەتەتىن جاقسى ءبىر پاتريوتتىق ءداستۇر بار ەكەن. بىزدە دە ءقازىر داعدارىس دەيدى. ەندەشە، پاتريوت بولسا، بىزدىكىلەر نەگە سولاي ىستەمەيدى؟ ال، پاتريوت بولماسا - مەملەكەتتىك قىزمەتتە نە اتاسىنىڭ قۇنى قالدى؟
داعدارىس كەزىندە تاراز وبلىسىنىڭ اكىمدىگى 63 مىڭ دوللار تۇراتىن قىمبات اۆتوكولىك ساتىپ الىپ جاتىر. جاياۋ جۇرگەن جوق قوي، بۇل نەعىلعان ىسىراپشىلدىق؟ قىزمەتتىك اۆتوكولىكتى جەكە شارۋاعا پايدالانۋدى تىيماقشى. ال، قىزمەتتىك اۆتوكولىك دەگەن ۇعىم قايدان پايدا بولعان؟ كەڭەستىك زاماندا اۆتوكولىك از بولدى. باستىق اتاۋلىدا مەنشىكتى ماشينالارى بولماعاسىن، وندىرىستىك، باسقارۋشىلىق قاجەتتىلىكتەن قىزمەتتىك اۆتوپارك پايدا بولدى. ەندى زامان وزگەردى، كولىك تاڭسىق بولۋدان باياعىدا قالعان. باسشىلاردىڭ بارىندە دە ءوز كولىكتەرى بار. مەملەكەتتىك جوعارعى ساناتتاعى باسشىلار بولماسا، قالعاندارىنىكىن قىسقارتۋ جاعىن نەگە قاراستىرماسقا؟
داعدارىس دەيدى. زەينەتاقى قورىنا دا قول سۇعىپ جاتىر. داعدارىستىڭ اۋىرتپالىعىن نەگە حالىق قانا كوتەرۋ كەرەك؟ حالىق كىم نە ىستەپ جۇرگەنىن، نە ۇرلاپ، قايدا تىققانعا دەيىن كورىپ وتىر. اشكوز تويىم بىلمەيدى، توپىراق جاپپاي دەگەن راس ەكەن.
اقان جاقىپتىڭ فەيسبۋكتەگى پاراقشاسىنان الىندى
