العاشىندا ۇكىمەت جەردى ساتامىز، شەتەلدىكتەرگە جالعا بەرەمىز، ورتا مەكتەپتە ۇشتىلدىلىكتى ەڭگىزەمىز دەگەندى شىعارىپ ەدى. بۇكىل قوعام ءدۇر سىلكىنىپ، قارسىلىق تانىتتى. راس، بۇنداي تولقۋدان سوڭ شەندىلەر ساباسىنا تۇسكەندەي بولدى. تۇيتكىلدى ماسەلەلەر بويىنشا قوعامدىق تالقىلاۋلار وتكىزەمىز، نارازىلىق بىلدىرگەندەردى قۋدالامايمىز، ەل مۇددەسىن نازارعا الامىز دەگەندى العا تارتتى. ءتىپتى، كەيبىرەۋىمىز بۇعان سەنگەندەي بولدىق.
شىندىعىندا ەشبىر رايىنان قايتۋ بولعان جوق. تاعايىندالعان تالقىلاۋلاردى بىرتىندەپ كوزبوياۋشىلىققا اينالدىرىپ، ونىڭ اراسىندا مەملەكەت ءۇشىن ەڭ ماڭىزدى قۇندىلىقتاردى قورعاپ شىققان بەلسەندىلەرگە، ارىن جوعالتاپاعان اقپارات قۇرالدارىنا قىسىم جاسادى. داۋدىڭ باسى بولعان جەر مەن تىلگە قاتىستى ۇستانىمىنان ۇكىمەتتىڭ ەش اينىماعانى بەلگىلى بولدى. تاڭعالاتىن نارسە بار ما؟ مەنىڭشە، جوق. ال شەندىلەر بەرگەن ۋادەسىندە تۇرسا، حالىقپەن كەڭەسىپ ماسەلەنى وركەنيەتتى شەشسە، تاڭعالار ما ەدىڭىز؟
راسۋل جۇمالىنىڭ فەيسبۋكتەگى پاراقشاسىنان الىندى
