تۇركيا قۇقىق قورعاۋ ورگاندارى بيلىكتى باسىپ الۋدى كوزدەدى دەگەن كۇدىكتى فەتحۋللاح گۇلەننىڭ تۋىستارىن تۇتقىنداي باستادى. ەردوعان بيلىگى گۇلەننىڭ تۋىسى، تەلەجۇرگىزۋشى ءارى ادۆوكات كەمال گۇلەندى تۇتقىندادى، - دەپ حابارلايدى Qamshy.kz baq.kz - كە سىلتەمە جاساپ.
تۇركيالىق Hürriyet گازەتىنىڭ جازۋىنشا، ادۆوكاتتى مەملەكەتتىك توڭكەرىس وقيعاسىنان بەرى كاستامون پروۆينسياسىنداعى ءبىر اۋىلدا تۋىسقانىنىڭ ۇيىندە تىعىلىپ جاتقان جەرىنەن ۇستالىپ، تەرروريزمكە قارسى وڭىرلىك قاۋىپسىزدىك بولىمىنە جەتكىزىلگەن.
سونىمەن قاتار، كەمال گۇلەن فەتحۋللاح گۇلەنگە تيەسىلى مەدياحولدينگتەردىڭ بىرىنە تيەسىلى Samanyolu تەلەارناسىندا جۇرگىزۋشى قىزمەتىن اتقارا ءجۇرىپ، اعاسىنا ادۆوكات بولعان.
بۇل گۇلەندەر اۋلەتىندەگى العاشقى تۇتقىن ەمەس. بۇدان بۇرىن دا گۇلەننىڭ تاعى ءبىر تۋىسقانى ابدۋللا كورۋدجۋك پروكۋراتۋرانىڭ تالاپ ەتۋىمەن تەمىر تورعا قامالعان ەدى.
