قازاقستان رەسپۋبليكاسىنىڭ كونستيتۋسياسى كۇنى قارساڭىندا، سونىمەن قاتار قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي، تامىزدىڭ 12-13 كۇندەرى ۇلتتىق ۇلاننىڭ الماتىدا ورنالاسقان «وڭتۇستىك» وڭىرلىك قولباسشىلىعىنا قاراستى 5571 اسكەري ءبولىمىنىڭ بازاسىندا الماتى قالاسى جانە الماتى وبلىسىنان اسكەرگە شاقىرىلعان ساربازداردىڭ اتا-انالارىمەن اشىق ەسىك كۇندەرى ءوتتى، - دەپ حابارلايدى Qamshy.kz.

بۇل شارا «كونستيتۋسيا جانە قۇقىق ءتارتىبى كۇزەتىندە» اتتى اكسيا اياسىندا «جاۋىنگەرلىك جانۇياداي ۇيىسقان، ۇلتتىق ۇلان – ەلى مەن حالقىنا قورعان!» دەگەن ۇرانمەن ۇيىمداستىرىلىپ وتىر.

اتالعان شارانى العىسوزىمەن اشقان ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ جينالعان ساربازداردىڭ اتا-انالارىنا قوعامدىق ءتارتىپ پەن قاۋىپسىزدىكتى قامتاماسىز ەتۋ اسكەرىنىڭ جاۋىنگەرلىك قىزمەتى مەن اتقاراتىن مىندەتتەرى تۋرالى اڭگىمەلەپ، كوپتەگەن اتا-انالاردىڭ سۇراقتارىنا جاۋاپ بەردى. ءبىر قىزىعارلىعى، وتان الدىنداعى بورىشىن وتەۋگە اتامەكەنگە ورالعان قانداستارىمىزدىڭ دا بارشىلىعى. تۋعان مەكەنىن اڭساپ ەلگە ورالعان تەلەمەسوۆ قانات اعامىز وتان الدىنداعى بورىشىن وتەپ جاتقان  ۇلىنىڭ كەلىسىمشارت نەگىزىندە قىزمەتتە قالعىسى كەلەتىنىن ايتىپ، وعان قانداي قۇجاتتار كەرەك ەكەنىن سۇراسا، كوپتەگەن اتا-انالار ۇلدارىنىڭ ۇلتتىق ۇلان ۋنيۆەرسيتەتىنە ءتۇسۋ مۇمكىندىكتەرى تۋرالى سۇراپ جاتتى. جينالعان كوپشىلىكتىڭ كوكەيلەرىندە جۇرگەن سۇراقتارعا جاۋاپ بەرگەن سوڭ، ۇلتتىق ۇلاننىڭ باس تاربيەشىسى قىزمەتتە ۇزدىك شىققان ساربازداردىڭ اتا-انالارىن ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆتىڭ اتىنان گراموتالارمەن ماراپاتتادى.

بۇنىمەن قوسا وسى ءىس-شاراعا ارنايى كەلگەن الماتى قالاسى ىشكى ىستەر دەپارتامەنتى  كادرلىق جۇمىستار جونىندەگى باسقارما باستىعىنىڭ ورىنباسارى پوليسيا پولكوۆنيگى زاكير باگييەۆ اتا-انالارعا ۇلتتىق ۇلان قاتارىندا بورىشىن وتكەرگەن ساربازداردىڭ ىشكى ىستەر ورگاندارىندا دا قىزمەتكە تۇرۋ مۇمكىندىگى جوعارى ەكەندىگىن اتاپ ءوتىپ، قۇجاتتاردى قالاي راسىمدەۋ، قاي جەرلەرگە بارىپ حابارلاسۋ رەتتەرىن ءتۇسىندىردى.

ۇلتتىق ۇلان اسكەرى تۋرالى جالپى مالىمەت العان سوڭ، كوپشىلىك نازارىنا بالالارىنىڭ سالەمدەمەسى جولدانعان بەينەجازبالار ۇسىنىلىپ، پەرزەنتتەرى قىزمەت اتقارىپ جاتقان اسكەري بولىمنەن تىكەلەي بايلانىستا حابارلاسۋعا مۇمكىندىك تۋدى. ەڭ العاش بولىپ اتا-انالارىمەن ۆيدەوبايلانىسقا شىمكەنت قالاسىندا ورنالاسقان  6506 اسكەري بولىمىندە مىندەتتەرىن اتقارىپ جۇرگەن الماتى وبلىسىنىڭ ساربازدارى شىقتى. ءوز ۇلدارىن كورە سالا ۇلكەن ەكرانعا تەلمىرگەن انالار قاۋىمى بالالارىنىڭ امان-ەسەن ەكەنىن كورىپ داۋىستارىن ەستىگەندە، كەيبىرى قۋانىشتان كوز جاستارىنا دا ەرىك بەردى.

وسىلاي جالعاسقان شارا بارىسىندا قازاقستاننىڭ تۇكپىر-تۇكپىرىندەگى ۇلتتىق ۇلاننىڭ 23 اسكەري بولىمدەرىمەن تىكەلەي بايلانىس ۇيىمداستىرىلىپ، اتا-انالار بالالارىنىڭ اماندىعىن كورىپ كوزايىم بولدى.

ايتا كەتەرلىگى، وسى كۇنى ۇلتتىق ۇلاننىڭ اسكەري بولىمدەرىندە قۇرىلعان ايەلدەر كەڭەسىنىڭ كونتاكتىلەرى ساربازداردىڭ جاقىندارىنا بەرىلدى، وسى نومىرلەر ارقىلى اتا-انالار الداعى ۋاقىتتا ۇلدارىنىڭ قىزمەتى قالاي ءوتىپ جاتقانىن وزدەرىنەن بىلە الادى. مۇنان بولەك، اتا-انالارعا اسكەري بولىمگە ەكسكۋرسيا ۇيىمداستىرىلدى، ياعني ولار ءبولىم اۋماعىن، ساربازداردىڭ جاتىن ورنىن، اسحاناسىن، مەديسينالىق لازارەتىن كورىپ، قارۋ-جاراق جانە تەحنيكاسىن تاماشالادى.

اتالعان شاراعا جوعارىدا اتالعان لاۋازىمدى تۇلعالاردان بولەك الماتى قالالىق قورعانىس ىستەرى جونىندەگى دەپارتامەنتى ءبولىم باستىعىنىڭ ورىنباسارى – اسكەري قىزمەتشىلەردى شاقىرىلىم جانە كەلىسىمشارت نەگىزىندە جيناقتاۋ باسقارماسىنىڭ باستىعى پولكوۆنيك فارحات قۇرمانعوجينوۆ، الماتى قالالىق ىشكى ساياسات باسقارماسىنىڭ وكىلى ريتا ەرمانوۆا، سونىمەن قاتار وڭىرلىك قولباسشىلىق وفيسەرلەرى مەن 5571 اسكەري ءبولىمىنىڭ لاۋازىمدى تۇلعالارى قاتىستى. 

تاعى ءبىر ايتا كەتەرلىگى،  وسى جىلدىڭ ماۋسىم ايىندا قارۋلى توپ لاڭكەستىك شابۋىل جاساعان اقتوبەدەگى 6655 اسكەري بولىمىندە بورىشتارىن وتكەرىپ جۇرگەن الماتى ءوڭىرىنىڭ ساربازدارى دا ونلاين-بايلانىسقا شىقتى. وقيعا بولعان كۇنى ولار دا ءبىر جەڭنەن قول شىعارىپ، لاڭكەستەردىڭ باسقىنشىلىعىنا تاباندىلىقپەن توتەپ بەرگەن ەدى.

اتالمىش شارا اتا-انالاردىڭ ساربازدارمەن بايلانىسىنىڭ قازاقستان قارۋلى كۇشتەرى اراسىندا العاش رەت ۇيىمداستىرىلىپ وتىرعان جاڭا فورماتى.  مۇنداي كەزدەسۋلەر بۇعان دەيىن ۇلتتىق ۇلاننىڭ قوستاناي جانە اقمولا وبلىستارىنداعى اسكەري بولىمدەردە وتكىزىلگەن بولاتىن. جىلدىڭ سوڭىنا دەيىن وسى تەكتەس شارالاردى ق ر ۇلتتىق ۇلانىنىڭ بارلىق اسكەري بولىمدەرىندە وتكىزۋ جوسپارلانعان.