الماتى اكىمدىگى وكەاناريۋم قۇرىلىسى ءۇشىن ورىن تاڭداپ جاتىر. بۇل تۋرالى جۋرناليستەرگە الماتى قالاسى اكىمىنىڭ ورىنباسارى بولات ساۋرانبايەۆ ايتتى.
ساۋرانبايەۆتىڭ مالىمەتىنشە، و باستا قۇرىلىس ءۇشىن سايران كولىنىڭ جاعاسى تاڭدالعان. ءقازىر ونىمەن بىرگە تاعى ەكى ورىن قاراستىرىلىپ وتىر: "اتاكەنت" كورمە كەشەنى مەن مادەنيەت جانە دەمالىس ورتالىق ساياباعى. "ورتالىق ساياباقتى وزىمىزگە العانىمىزدى بىلەسىزدەر. سوندىقتان جوبا مادەنيەت باسقارماسىنىڭ جالپى باعدارلاماسىنا ەنە مە، سونى قاراۋىمىز قاجەت. ول الماتىعا وتە قاجەت. بۇل باعدارلامانى ءبىز جان-جاقتى قولدايمىز"، - دەدى قالا اكىمىنىڭ ورىنباسارى.
ونىڭ مالىمەتىنشە، وكەاناريۋمدى "ريتس-پالاس" وتەلىنە قاراما-قارسى جەرگە سالۋ دا قاراستىرىلعان، ءبىراق سوڭعى ساتتە ودان باس تارتىلدى.
ەسكە سالا كەتەيىك، وكەاناريۋم قۇرىلىسى تۋرالى يدەيانى الماتى قالاسىنىڭ اكىمى ەڭ العاش 2012 جىلدىڭ اقپان ايىندا جاريا ەتكەن بولاتىن. اۋەلىدە ول سايران كولىن اباتتاندىرۋ جونىندەگى جوسپارعا ەنەدى دەپ شامالانعان ەدى. ەسىموۆ ونىڭ ويىن-ساۋىق ورنى عانا ەمەس، سال اۋرۋىنا شالدىققان بالالاردى ەمدەۋگە بولاتىن نىسانعا دا اينالاتىنىن ايتقان بولاتىن
