بۇدان بىلاي قازاقستاننىڭ تەرريتوريلدىق تۇتاستىعىنا قاتەر ءتوندىرىپ، سەپاراتيستىك ۇندەۋ تاستاعاندار 10 جىلعا سوتتالادى. باس پروكۋراتۋرا ءۇي ىشىنەن ءۇي تىگۋگە وقتالىپ، زاڭعا قايشى ارەكەتكە بارعانداردى بارىنشا قاتاڭ جازالاماق.

بۇل تۋرالى 31 ارنا ەلىمىزدىڭ باس پروكۋراتۋراسىنا سىلتەمە جاساپ حابارلادى.

ول ءۇشىن جاڭادان ازىرلەنىپ جاتقان "قىلمىستىق كودەكس"-كە ارنايى باپ ەنگىزىلدى. ەندى ءتىپتى ينتەرنەت جەلىسى ارقىلى ءبىرتۇستاس ەلدىڭ بەلگىلى ءبىر اۋماعىن ءبولىپ الۋعا قاتىستى پىكىر ايتقاندار دا جازالانادى. ۋكرايناداعى جاعدايدان قازاقستاننىڭ كۇشتىك قۇرىلىمدارى ءتيىستى قورىتىندى جاساعان سىندى. ماجىلىستە ءبىرىنشى وقىلىمدا ماقۇلدانعان قىلمىستىق كودەكس، بۇگىن تاعى ءبىر پىسىقتالدى. تياناقتالعان زاڭ جوباسى كەلەسى سارسەنبى كۇنى جالپى وتىرىستىڭ كۇن تارتىبىنە شىعارىلادى.

نورماتيۆتىك قۇجاتتا قازاقستاننىڭ تەرريتوريالىق تۇتاستىعىنا قاتەر ءتوندىرىپ، زاڭعا قايشى ارەكەت جاساعاندار قامالاتىنى انىق جازىلعان.  ق ر باس پروكۋراتۋرانىڭ باسقارما باستىعى ارمان اياعانوۆانىڭ ايتۋىنشا، قازاقستان رەسپۋبليكاسىنىڭ تەرريتوريالدىق تۇتاستىعىنا قول سۇعىپ، كونستيتۋسيايعا قايشى ارەكەتتەرگە شاقىرعاندار 7 جىلعا دەيىن، ال قىزمەتتىك جاعدايىن پايدالانىپ، ۇندەۋ تاستاعاندار 10 جىلعا دەيىن سوتتالادى.

ۆەدومستۆوارالىق جۇمىس توبى زاڭ الدىندا "يممۋنيتەتى" بار مارتەبەلى تۇلعالاردى ۇستاۋ مەن قاماۋعا الۋ تالاپتارىن دا وزگەرتتى. بۇل تىزىمدە پارلامەنت دەپۋتاتتارى، كونستيتۋسيالىق كەڭەس مۇشەلەرى جانە مارتەبەسى كونستيتۋسيالىق زاڭدارمەن رەتتەلەتىن وزگە دە جوعارى لاۋازىمدى تۇلعالار بار. "مىسالى قاراپايىم بۇزاقىلىق جاساعانى ءۇشىن ادامدارعا 3 جىل جازا بولسا، باس بوستاندىعىنان ايىرۋ، دەپۋتتارعا جانە كونستيتۋسيالىق كەڭەس مۇشەلەرىنە باسقا "يممۋنيتەتى" بار ادامدارعا 7-8 جىل بولۋى مۇمكىن. سوندىقتان ول ادامدارعا مەملەكەتتەگى اسا جاۋاپتى قىزمەتتەگى ادامدار ءۇشىن قويىلاتىن جاۋاپ جوعارى بولعاندىقتان تەكسەرۋ دە جوعارى بولسىن دەپ وتىرمىز. سەبەبى ول ادامنىڭ جازاسى انادان قاراعاندا 2-3 ەسەگە جوعارى بولادى"، - دەيدى ماجىلىسمەن رامازان سارپەكوۆ. جابىرلەنۋشىلەرگە سەپ بولۋى ءۇشىن ءتىپتى ارنايى قور قۇرىلادى. وعان ايىپتىنىڭ مۇلكىن ساتۋدان تۇسكەن قاراجات جينالادى. قور ەسەبىنەن جابىرلەنۋگە ءتيىستى مەديسينالىق جانە باسقا دا كومەك كورسەتىلەدى. وزىق ەلدەر تاجىريبەسىنە سۇيەنگەن جۇمىس توبى، وسىلايشا بىرتىندەپ كەڭەستىك كەزەڭنەن قالعان كەمشىلىكتەردى جويماق.

باس پروكۋروردىڭ ءبىرىنشى ورىنباسارى يوگان مەركەل اقش-تا تۇسكە دەيىن جاسالعان قىلمىسى ءۇشىن تۇستەن كەيىن زاڭدى جازاسىن الىپ، سوتتالعان قىلمىسكەردى مىسالعا كەلتىردى. اقش-تا بۇل جۇيە جىلدار بويى قالىپتاسقان. قازاقستاندا تىڭ تاجىريبەنىڭ قانشالىقتى ءساتتى ىسكە اسارىن ۋاقىت كورسەتەدى. ويتكەنى جاڭا كودەكس ءتيىستى ينستانسيالاردان تۇگەل قولداۋ تاپسا، 2015 جىلدىڭ 1ء-شى قاڭتارىنان باستاپ كۇشىنە ەنەدى.