بۇگىن استانادا جەر رەفورماسى بويىنشا كوميسسيانىڭ كەزەكتى وتىرىسىندا وسى باعىتتاعى بۇعان دەيىنگى اتقارىلعان جۇمىستار ەكشەلىپ، ناقتى ۇسىنىستار تۇجىرىمدالدى. 

اتاپ ايتار بولساق، كوپشىلىك تاراپىنان اسا قىزۋ تالقىعا ءتۇسىپ، زەرتتەپ، زەردەلەنگەن ماسەلەنىڭ تاعى ءبىرى – ءار ازاماتقا بەكىتىلەتىن ەڭ جوعارى مولشەرلەمە بويىنشا «قازاقستاندىقتارعا جالعا بەرىلەتىن اۋىل شارۋاشىلىعى جەرلەرىنىڭ شەكتى مولشەرلەرى بەلگىلەنسىن» دەگەن شەشىم قابىلداندى.

سونىمەن قاتار، ورتاعا تاستالعان كەزەكتى توقتام –  شەكارا ماڭى اۋماقتارىنداعى اۋىل شارۋاشىلىعى جەرلەرىنىڭ مەملەكەتتىك شەكارادان راديۋسىن ايقىنداي وتىرىپ، جەرگىلىكتى جاعدايلارعا جانە ءوڭىردىڭ ەرەكشەلىكتەرىنە بايلانىستى ولاردى بەرۋ جونىندەگى تالاپتاردى انىقتاپ، بەكىتۋ ماسەلەسىنە ارنالدى. ياعني، شەكارا ماڭىندا جەرگىلىكتى جاعدايلار مەن ءوڭىردىڭ ەرەكشەلىكتەرى ەسكەرىلۋگە ءتيىس.

ايتا كەتەيىك، بۇگىنگى كۇنگە دەيىن كوميسسيامەن 4 وتىرىس جانە اقمولا، الماتى، قىزىلوردا جانە اتىراۋ وبلىستارى تۇرعىندارىمەن 4 كەزدەسۋ وتكىزىلدى. قوعامنىڭ قىزۋ تالقىسىنا تۇسكەن ماسەلەلەر بويىنشا كوميسسيا ءتيىمدى جۇمىستار اتقارىپ، حالىقپەن قولداۋ تاپقان ۇسىنىستار ەنگىزىلدى.