استانادا قازاق گۋمانيتارلىق-زاڭ ۋنيۆەرسيتەتىنىڭ تۇلەگى باحتيار جامانعارايەۆ جوعالىپ كەتتى، - دەپ حابارلايدى Qamshy.kz قازاقپاراتقا سىلتەمە جاساپ.

11 تامىز كۇنى 14:00 ساعات شاماسىندا باحتيار جامانعارايەۆ بايتەرەك مونۋمەنتى ماڭىندا «ديپلومات» ءتۇرعىن-ۇي كەشەنىندەگى ءوز پاتەرىنەن شىعىپ، سودان بەرى قايتىپ ورالماعان. باحتيار استانا اۋەجايىنان اناسىن كۇتىپ الۋى كەرەك بولعان، الايدا سول بەتى اۋەجايعا جەتكەن دە جوق. كوپ ۇزاماي، جامانعارايەۆتىڭ كولىگى دە تابىلدى. انىقتالعانىنداي، كولىك لومباردقا تاپسىرىلعان. جوعالىپ كەتەردىڭ الدىندا باحتيار بۋكمەكەرلىك كەڭسەلەردىڭ بىرىندە ءباس تىككەن، ونىڭ قۇمار ويىندارعا اۋەس بولعانى دا بەلگىلى.

ونىڭ جوعالىپ كەتكەندىگى تۋرالى حابارلار ينستاگرام مەن فەيسبۋك الەۋمەتتىك جەلىلەرىندە تاراتىلۋدا.

«كومەكتەرىڭىز قاجەت! جاس جىگىت جوعالىپ كەتتى! اتى - باحتيار جامانعارايەۆ! قازگزۋ-دىڭ تۇلەگى. تۋعان-تۋىستارى ونىمەن حابارلاسا الماي وتىرعاندارىنا بىرنەشە كۇننىڭ ءجۇزى بولدى. قانداي دا ءبىر اقپارات بولسا، مىنا نومىرلەرگە حابارلاسۋلارىڭىزعا بولادى: 8771 775 04 09»، - دەلىنگەن تۋىستارى مەن دوستارى تاراتقان حابارلامادا.

جامانعارايەۆتىڭ تۋىستارى بەرگەن مالىمەتتەر بويىنشا، باحتياردىڭ بويى -  170-175 سم، ورتاشا دەنەلى.

استانانىڭ ءىىد باحتيار جامانعارايەۆتىڭ جوعالىپ كەتكەنى تۋرالى اقپاراتتى راستاپ وتىر. پوليسەيلەردىڭ حابارلاۋىنشا، ىزدەۋ جۇمىستارى ءجۇرىپ جاتىر.

«11 تامىزدا ب.جامانعارايەۆتىڭ جوعالىپ كەتكەنى جونىندە تۋىستارى ارىز بەردى. قازىرگى ۋاقىتتا جوعالىپ كەتكەن ازاماتتى تابۋ بويىنشا جەدەل-ىزدەستىرۋ شارالارى قولعا الىندى. ىزدەۋ ءىسى قوزعالدى»، - دەپ حابارلادى ءىىد «قازاقپارات» تىلشىسىنە بەرگەن جاۋابىندا.

ءقازىر ب.جامانعارايەۆتى ىزدەۋگە 200-دەن استام ەرىكتى قاتىسۋدا.