شقو-دا ۇشتىلدىلىك وقۋ باعدارلاماسىن جۇزەگە اسىرۋ ماقساتىندا دەڭگەيلەپ وقىتۋ ءادىسى جۇرگىزىلەتىن بولادى. بۇگىنگى تاڭدا مەكتەپ مۇعالىمدەرى تىلدىك پاندەردەن وقىتۋ ادىستەمەسى بويىنشا بىلىكتىلىگىن ارتتىرۋ كۋرستارىنان وتۋدە.
شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتىندا شقو ءبىلىم باسقارماسىنىڭ باسشىسى ايجان سادىقوۆا ءمالىم ەتكەندەي، ءقازىردىڭ وزىندە ءورىستىلدى مەكتەپتەردە قازاق، ال ءقازاقتىلدى مەكتەپتەردە ورىس ءتىلىن وقىتۋ ءۇشىن جاڭا وقىتۋ جۇيەسى قۇرىلعان.
– اتالعان باعدارلامانى ىسكە اسىرۋ ءۇشىن نەگىزگى ەكى ماسەلەنى مەڭگەرۋ قاجەت بولدى. ءبىرىنشى كەزەكتە بارلىق وقىتۋ مەكەمەلەرىندە بىردەي وقۋلىقتاردىڭ بولۋىن قامتاماسىز ەتۋدى كوزدەپ وتىرمىز جانە ەكىنشىدەن مۇعالىمدەردىڭ كاسىبي بىلىكتىلىگىن ارتتىرۋ نەگىزگە الىنىپ وتىر. مىسالى، بىرنەشە جىل بويى مەكتەپتە اعىلشىن ءتىلى وقىتىلعانىمەن، كوپشىلىك وقۋشىلار بىردەن اعىلشىندا سويلەپ كەتە المايدى. سەبەبى ءار مەكتەپ ءار ءتىلدى وقىتۋ ءۇشىن ءارتۇرلى اۆتورلاردىڭ وقۋلىقتارىن قولدانادى، – دەدى ايجان سادىقوۆا.
باسقارما باسشىسى ايتىپ وتكەندەي، اتالعان ماسەلەنى شەشۋ ءۇشىن بارلىق مەكتەپتەردە بىردەي وقۋلىق قولدانىپ، بىردەي ادىستەمەلىك جۇيە قالىپتاستىرۋ قولعا الىنعان. اعىلشىن دەڭگەيلەپ وقىتۋ جۇيەسى بويىنشا حالىقارالىق دەڭگەيدەگى بارلىق قاجەتتى قۇرالدار بولعانىمەن، قازاق جانە ورىس تىلدەرىن دەڭگەيلەپ وقىتۋ ءادىسى بۇعان دەيىن بولماعان.
– قازاق ءتىلىن وقىتۋ ءۇشىن فاۋزيا شامسي قىزى ورازبايەۆانىڭ ازىرلەگەن وقۋلىعىن زەرتتەۋ بارىسىندا ول قازاقستانداعى قازاق ءتىلىن دەڭگەيلەپ وقىتۋشى ءبىرىنشى وقۋلىق ەكەندىگىن اڭعاردىق. كەيىن تاجىريبەلىك وقۋ قۇرالىن ءبىلىم جانە عىلىم مينيسترلىگى بەكىتكەننەن كەيىن، وبلىستاعى 324 ءورىستىلدى مەكتەپتەردىڭ بارلىعىنا وسى وقۋلىق ساتىپ الىندى، – دەدى باسقارما باسشىسى ايجان سادىقوۆا.
ورىس تىلىنە كەلگەندە ماسەلە كۇردەلەنە تۇسكەن. انىق بولعانداي ورىس ءتىلىن قازاق مەكتەپتەرىندە دەڭگەيلەپ وقىتۋ ءادىسى قازاقستانا دا، رەسەيدە دە كەزدەسپەگەن. ءبىراق، ماسكەۋدە ەليزاۆەتا حامرايەۆا اتالعان ءادىس بويىنشا وقۋلىقتاردى جاڭادان شىعارا باستاعان. كەيىن وبلىستان 8 پراكتيك ۇستازدار ماسكەۋگە اتتانىپ، بار وقۋلىقتاردىڭ نەگىزىندە ادىستەمەنى جاساعان.
ءقازىردىڭ وزىندە ۇستازدارعا وقۋلىقتار مەن ادىستەمەلەر تاراتىلىپ، وقىتۋ جۇمىستارى باستالعان. ەندى ءبىر جىل كولەمىندە ءتىل ۇستازدارى ادىستەمەنى مەڭگەرگەننەن كەيىن، وزگە ءپاننىڭ ۇستازدارى دا تىلدەردى مەڭگەرۋگە كىرىسپەك.
