«نۇر وتان» پارتياسىنىڭ شقو فيليالىنىڭ ءتوراعاسى دانيال احمەتوۆ ازاماتتاردى جەكە ماسەلەلەرى بويىنشا قابىلداۋدا ۆەرحبەرەزوۆسكيي اۋىلىنداعى «گلۋبوكوۆ تەحنيكالىق كوللەدجىن» جاۋىپ تاستاماۋدى، وقۋ ورنىن وڭتايلاندىرۋ ماسەلەلەرىن قاراستىرۋدى تاپسىردى.

جاقىندا پارتيانىڭ ايماقتىق فيليال جەتەكشىسىنىڭ قوعامدىق قابىلداۋىنا قوعام بەلسەندىسى ۆالەنتينا كۋكچەنكو كوللەدجدە وقيتىن بالالاردىڭ اتا-اناسى جازعان حاتتى اكەلىپ، تەحنيكالىق كوللەدجدى (220 بالانىڭ ورنىنا 160 ستۋدەنت وقيدى، بالا سانى جەتكىلىكسىز دەگەن جەلەۋمەن) جاپپاۋىن، ونى وزگە اۋىلداعى اگرارلىق كوللەدجبەن بىرىكتىرۋىن سۇرادى. 

«بالالار وقۋعا كەلىپ جاتىر. عيماراتقا كۇردەلى جوندەۋ جۇرگىزىلگەن، جاڭا قۇرىلعىلار بار، عيمارات اۋماعى قورشالعان، فۋتبول الاڭقايى ورناتىلعان»، - دەدى ۆالەنتينا ميحايلوۆنا.

ولار ءبىلىم باسقارماسىنىڭ كوللەدج عيماراتىنا كامەلەت جاسقا تولماعان قىلمىستىق ءىس جاساعان بالالارعا ارنالعان وبلىستىق مەكتەپ-ينتەرناتتى كوشىرگىسى كەلەتىنى جايلى اقپاراتتى ەستىگەن (بۇل مەكتەپتە قىلمىستىق ىسكە قاتىسى بار 28 بالا بار ەكەن).

ءوز كەزەگىندە اگرارلىق كوللەدجدى 450 ستۋدەنتكە ارناپ سالىنعان، شىن مانىندە وندا 112 ستۋدەنت وقىپ جاتىر، جاڭا وقۋ جىلىن ەسەپكە الار بولساق، شامامەن 160 ستۋدەنت بولماق. 

«ەگەر ەكى كوللەدجدى بىرىكتىرسەك، ءبىر عيماراتتا 330-350 ستۋدەنت وقيتىن بولادى، ءبىراق تەحنيكالىق كوللەدجدەن بوساعان جاتاقحانانىڭ جايىن ويلاستىرۋ كەرەك»، - دەدى «نۇر وتان» شقوف ءتوراعاسى. 

د.احمەتوۆ ورىنباسارلارىنا 10 كۇن ىشىندە كوللەدج ماسەلەسىن جان-جاقتى زەرتتەۋدى تاپسىردى.