جەرى جازىق، جازيرالى ەرەكشە تابيعاتقا يە، قازاقستاندا حالقى ەڭ تىعىز ورنالاسقان اۋدانداردىڭ ءبىرى ماقتارال اۋدانى ەكەنى ءمالىم. اق التىنىمەن ماقتانىڭ ارالى اتانعان ولكە بۇگىندە قاۋىن-قاربىزىمەن دە بۇكىل الەمگە تانىلۋدا. وعان دالەل، اۋدانىمىز بۇكىل قازاق دالاسىن قامتاماسىز ەتۋمەن قاتار، سوڭعى 2 ايدا 200 000 توننا قاۋىن-قاربىزدى رەسەي مەن ەۋروپاعا ەكسپورتتاپ ۇلگەردى.
توقتاۋسىز دامىپ جاتقان ولكەگە وڭتۇستىك قازاقستان وبلىسى ءماسليحاتىنىڭ دەپۋتاتى نۇرالى ابىشيەۆ كەلگەن بولاتىن. اۋداننىڭ دامۋ قارقىنىن ءوز كوزىمەن كورگەن دەپۋتات اۋدان اكىمى جامانتاي بەيسەنبايەۆپەن كەزدەسىپ، بىرنەشە ماسەلەلەردى تالقىلاپ ۇلگەردى. سونىڭ ىشىندە ماقتارال اۋدانىنا كىرەبەرىس قاقپانىڭ قۇرىلىسى جايلى ءسوز بولدى.
جوبانىڭ سىزبالارىن تالقىلاۋ بارىسىندا دەپۋتات ءوز ۇسىنىستارى مەن ويلارىن ايتىپ، قۇرىلىس جۇمىستارىنىڭ تەز ارادا باستالۋىنا قولداۋ بىلدىرەتىنىن اتاپ ءوتتى.
