ەلباسى اۋىلشارۋاشىلىق سالاسىنا قولايلى وڭىرلەردە ەتتى مال شارۋاشىلىعىن دامىتۋ ارقىلى ءىرى قارا مال ەتىنىڭ ەكسپورتتىق پوتەنسيالىن ارتتىرۋدى تاپسىرعان بولاتىن.
وسىعان وراي ەلىمىزدە قاراپايىم شارۋاشىلىقتارعا قولايلى رەتىندە شاعىن مال بورداقىلاۋ الاڭدارىن قۇرۋ باستاماسى قولعا الىنىپ، جۇزەگە اسىرىلا باستادى. وسى ىسكە اۋدان تۇرعىندارى بەلسەندىلىك تانىتىپ، بەل بۋىپ، مەملەكەت تاراپىنان بەرىلىپ وتىرعان قارجى ۇيىمدارىنان نەسيە الىپ، ءوز ءىسىن دوڭگەلەتىپ وتىر.
قازىرگى تاڭدا اۋداندا ساپالى ءىرى قارا مالى ەتىن شىعارۋ اياسىندا 10-15 باستىق شاعىن مال بورداقىلاۋ الاڭدارى سوڭعى 3 جىلدا 705 بىرلىكتى قۇراپ، بەرىلگەن جوسپار ارتىعىمەن ورىندالىپ وتىر.
سونىمەن قاتار شاعىن جانۇيالىق فەرما قۇرۋ جوسپارى بويىنشا دا اۋداندا سوڭعى 3 جىلدا 71 بىرلىك شاعىن جانۇيالىق فەرمالار اشىلىپ، جۇمىس اتقارۋدا.
