قاراعاندىدا اكىمدىكتىڭ 20 جاستاعى قىزمەتكەرى - جاس قىزدى ۇرلاپ كەتتى. ناقتىراق ايتقاندا، بويجەتكەنگە عاشىق 23 جاستاعى ۆولنىي اۋىلىنىڭ تۇرعىنى قىزدى ول جۇمىسىنان كەلە جاتقان جەرىنەن - ءۇيىنىڭ قاسىنان الىپ قاشقان، دەپ حابارلادى «نوۆىي ۆەستنيك» گازەتى.

پوليسياعا قىزدىڭ تاتەسى ارىز جازعان. ول قۇقىق قورعاۋ ورگاندارىنا نۇرجاس ەسىمدى جىگىتتىڭ قىزدى ونىڭ ەركىنەن تىس كولىككە وتىرعىزىپ، بەلگىسىز باعىتتا الىپ كەتكەنىن حابارلاعان.

پوليسيا قىزمەتكەرلەرى نۇرجاستان وسى وقيعاعا قاتىستى جاۋاپ العاندا، ول ءوزىنىڭ اكىمدىكتە جۇمىس ىستەيتىن قىزعا ۇيلەنگىسى كەلگەنىن جانە ونىڭ ءقازىر شەت اۋدانىنداعى اتا-اناسىنىڭ ۇيىندە ەكەنىن حابارلاعان. قىز اكىمدىكتە ءىس قاعازدارىن جۇرگىزۋمەن اينالىسادى.

پوليسيا ازىرگە بۇنىڭ شىنىمەن دە كىسى توناۋ بولعان-بولماعانىن جانە ول ءۇشىن قىلمىستىق ءىس قوزعاۋدىڭ قاجەت-قاجەتسىزدىگىن انىقتاپ جاتىر.

ەسكە سالا كەتەيىك، جۋىردا پارلامەنتتە قالىڭدىق ۇرلاعانى ءۇشىن قىلمىستىق جاۋاپكەرشىلىكتى ەنگىزىپ، ال وسى ىسكە بارعانداردى 15 جىلعا بوستاندىعىنان ايىرۋ كەرەكتىگى جونىندە ماسەلە كوتەرىلگەن بولاتىن.

قازاقپارات