اتىراۋدا نودۋليارلى دەرماتيتتەن ولگەن مالدىڭ يەلەرىنە وتەماقى تولەنەتىن بولدى. بۇل ماقساتقا رەسپۋبليكالىق بيۋدجەتتەن 120 ملن تەڭگە بولىنگەن. ال ءبىر مالدىڭ قۇنى قانشا تۇراتىنىن ماماندار ءالى دە ەسەپتەۋ ۇستىندە. بۇل تۋرالى اۋىل شارۋاشىلىعى مينيستىرلىگىندە وتكەن شۇعىل جيىندا ءمالىم بولدى، - دەپ حابارلايدى Qamshy.kz استانا ارناسىنا سىلتەمە جاساپ.

ەسكە سالايىق، ىندەت سالدارىنان تەك قۇرمانعازى اۋدانىنداعى 16 ەلدى مەكەندە 695 ءىرى قار مال قىرىلعان ەدى. ال، 4920  باس مالعا سيمپتومدىق ەمدەۋ شارالارى جۇرگىزىلىپ، ناتيجەسىندە 2086 باس ءىرى قارا ەمدەلگەن. مامانداردىڭ سوزىنشە، ءقازىر مالعا ءتيىستى ەگۋ شارالارى جاسالىپ كەلەدى. دەگەنمەن  ءاۋ باستا مالدىڭ قانداي دەرتكە ۇشىراعانىن بىلمەي، ۋاقىت وزدىرىپ العاندىقتارىن دا جاسىرمادى. سالدارىنان مال اراسىنداعى ىندەت ايتارلىقتاي اسقىنىپ، 27 شىلدەدەن باستاپ وڭىردە كارانتين جاريالانعان بولاتىن.  

بىزدە دايىندىق شامالى بولدى. ءقازىر ءبىز دايىندىق جۇمىستارىن جۇرگىزىپ جاتىرمىز. ءقازىر وسى 4 اۋداندا وسى اۋىرۋ يەلەرىنە سول ءتارتىپ بويىنشا اقشا تولەنەدى. ءوزىمىز اقىلداسقان سوڭ، سول اقشا تولەنەدى، ءارى كەتسە 1 ايدىڭ ىشىندە، - دەيدى ق ر اۋىل شارۋاشىلىعى مينيسترلىگى ۆەتەرينارلىق باقىلاۋ ءتوراعاسى ساقتاش حاسەنوۆ.  

اۋرۋ كورشىلەس رەسەيدىڭ استراحان وبلىسى اۋماعىنان كەلگەن بولۋى ىقتيمال. دەرت ماسا، شىبىن سەكىلدلى جاندىكتەر ارقىلى جۇققان دەگەن بولجام بار. مۇنى رەسەي ماماندارى دا راستاعان. ال ۆەتەرينار مامانداردىڭ ايتۋىنشا، بۇل اۋرۋدان ايىققان مال بولاشاقتا تولدەمەيدى. ءسۇتى دە ايتارلىقتاي ازايىپ، سالماعى بۇرىنعىمەن سالىستىرعاندا جەڭىلدەپ قالۋى مۇمكىن.