رەسەي پرەزيدەنتى ۆلاديمير ءپۋتيننىڭ شۆەيساريا بانكتەرىندەگى ەسەپ-شوتىندا 40 ميلليارد دوللار بار. بۇل تۋرالى ءوزىنىڭ دەرەككوزىنە سىلتەمە جاساپ، بريتاندىق The Times گازەتى جازدى، - دەپ حابارلايدى "دوجد" تەلەارناسى.

باسىلىمنىڭ مالىمەتى بويىنشا، امەريكالىق رەسمي وكىلدەر ۆلاديمير پۋتينعا تيەسىلى اكتيۆتەردىڭ بارلىعىنا تىيىم سالۋدى قاراستىرىپ جاتىر.  The Times باسىلىمىنىڭ جازۋىنشا، بۇل ماسەلە بەيسەنبىدە جەنيەۆادا وتكەن كەلىسسوزدەر بارىسىندا، ەگەر ۋكرايناداعى داعدارىستى شەشۋ تىعىرىققا تىرەلەتىن بولسا، وندا رەسەي بيلىگىنىڭ باستى وكىلىنە قاتىستى قولدانىلاتىن ەڭ ورىندى سانكسيا رەتىندە قاراستىرىلعان.

بۇل اكتيۆتەردىڭ بارلىعى رەسەي پرەزيدەنتىنە تيەسىلى ەكەنىن دالەلدەۋ وڭاي بولمايدى. دەگەنمەن امەريكالىق قارجى مينيسترلىگىندە ىزدەستىرۋ وكىلەتتىلىگى بار، - دەپ جازادى بريتاندىق گازەت.

باسىلىمنىڭ جازۋىنشا، باتىستىڭ بارلاۋ قىزمەتكەرلەرى رەسەيدىڭ ءىرى ەنەرگەتيكالىق كومپانيالارى اكسياسىنىڭ يەگەرى ۆلاديمير ءپۋتيننىڭ  قازىناسى شۆەيساريا بانكتەرىندە دەپ كۇدىكتەنۋدە. قاي بانكتە ەكەنى ناقتىلانباعان. دەگەنمەن، The Times دەرەككوزىنىڭ مالىمەتى بويىنشا، پۋتين ءوزىنىڭ بارلىق اكتيۆتەرىن شەت ەلدىك قارجى ينستيتۋتىندا، باسقا بىرەۋدىڭ اتىنا راسىمدەپ قويعان.

The Times گازەتىنىڭ اقپاراتى بويىنشا، اقش شۆەيساريا بانكتەرى ماسەلەگە تۇسىنىستىكپەن قارايدى دەپ سەنۋدە. سوعان بايلانىستى باسىلىم اقش-تىڭ قارجى مينيسترلىگىندەگى دەرەككوزىنىڭ "ءبىز بانكتتەردىڭ بارلىعىن تەكسەرە المايمىز، ءبىراق سانكسيا جەكە تۇلعاعا سالىنىپ تۇرعان كەزدە بىرىگە جۇمىس جاسايمىز دەگەن ۇمىتتەمىز" دەگەن ءسوزىن جازعان.  tengrinews.kz