بەلگىلى ساياساتتانۋشى ايدوس سارىم داۋ تۋدىرعان «اڭىز ادام» جۋرنالى تۋرالى ۇتىمدى ويلار ايتتى. ونىڭ پىكىرىنشە، قازاق حالقىنىڭ گيتلەردى جانە ونىڭ ساياساتىنىڭ سالدارىن تالقىلاعانىندا تۇرعان نە بار؟ جانە: «1986 جىلى قازاقتى «شەكتەن شىققان ناسيوناليزست» دەپ كىنالاسا، ەندى مۇمكىن «شەكتەۋسىز فاشيزم» دەپ ايىپتايتىن شىعار»، - دەيدى ا. سارىم.
ساياساتتانۋشى Facebook پاراقشاسىندا ءوزىنىڭ «اڭىز ادام» جۋرنالىنىڭ گيتلەرگە ارنالعان ءنومىرىن مۇقيات وقىپ شىققانىن جانە اقىلعا قونىمسىز دەيتىن ەشتەڭە تاپپاعانىن جازادى: «رەداكسيا گيتلەردىڭ يدەيالارىن ناسيحاتتاپ وتىرعان جوق، اسىرەۇلتشىلدىقتى مەن بايقامادىم. قازاقتار گيتلەردىڭ كىم بولعانىن تالقىلاي المايدى نەمەسە تالقىلاۋلارىنا بولمايدى دەپ كىم ايتتى؟ ونىڭ ستاليننەن ايىرماشىلىعى قانداي؟ گيتلەر ساياساتىنىڭ سالدارىنان قانشاما ادام قازا تاپتى. رەداكسيانىڭ ءنومىردى ساتىلىمنان الىپ تاستاۋى بەكەر-اق بولدى. ەگەر كەڭ تۇسىنىكتە الىپ قاراساق، تىرناق استىنان كىر ىزدەۋدىڭ كەرەگى جوق. ءبىزدىڭ دۇكەندەردە رەسەي باسپالارى شىعارعان مۋسسوليني مەن گەببەلستىڭ كىتاپتارى اشىق، زاڭدى تۇردە ساتالۋدا. عالامتوردان "ماين كامپفتى" ەركىن جۇكتەپ الۋعا، «لەني ريفەنشتال» ءفيلمىن كورۋگە بولادى. قاي ءورىستىلدى جۋرناليست بۇعان كىنا تاقتى. قانشاما "جارىمەستەر" ليمونوۆ، جيرينوۆسكيي سەكىلدى فاشيستىك ۇرانمەن شىققاندا ءۇنسىز قالدى، ءتىپتى اقتاۋعا تىرىستى. كىم قارسى بولدى؟»، - دەيدى ساراپشى.
سونىمەن قاتار، ءورىستىلدى اقپارات كەڭىستىگىندە گيتلەر تۋرالى اقپاراتتىڭ ءنوپىر ەكەنىن جازادى: «ءورىستىلدى گۋگل ىزدەۋ جۇيەسى گيتلەر تەگىنە 1 ميلليونا 300 مىڭنان استاپ اقپارات تاۋىپ بەردى. ياندەكس تە سول شامالاس. ەگەر جۋرنالدى جاپقىلارى كەلسە، ءبىرىنشى سول سىلتەمەلەردىڭ كوزىن جويسىن!»
ايدوس سارىم «اڭىز ادام» جۋرنالىنىڭ باس رەداكتورى جارىلقاپ قالىبايدى نەگىزسىز ايىپتاپ، ابىرويىنا نۇقسان كەلتىرگەندەرگە قاتىستى سوتقا شاعىمدانۋىنا بولاتىنىن ايتا كەتتى: «تاعى ءبىر ەسكەرەرلىك جايت، جۋرنال - بۇل بيزنەس. ەگەر ساتىپ العىڭىز كەلسە، - الماڭىز! ولار داۋرىقپاي، ساتىپ الماۋعا ۇگىتتەسىن! قيت ەتكەن نارسەگە «شاشتارىن جۇلا بەرمەسىن». شىنتۋايتىنا كەلگەندە، جارىلقاپ قالىبايدىڭ ءوزى باسىلىمدى جانە ونىڭ ابىرويىنا نۇقسان كەلتىرگەن ادامداردى سوتقا بەرۋىنە بولادى. ءارى قاراي ءوز جۇمىسىن جالعاستىرا بەرسىن. ءورىستىلدى باسىلىمداردىڭ جازۋىنا قاراعاندا، جۋرنالدىڭ تارالىمى ەش زارداپ شەكپەيدى».
ءسوز سوڭىندا: «ءبىز ازەر بايلانىسىپ تۇرعان ەكى الەمدە ءومىر ءسۇرىپ وتىرمىز. قازاق رەداكتورلارىنىڭ بارىمەن سويلەستىم، ولار دا سوراقى ەشتەڭە تاپپاعان. بۇل كوپ جايتتى اڭعارتادى. بۇل جەردە ەكى بايلام بار: الدەكىمدەر «رتر» مەن تەلەديداردان «قىزىپ» كەتكەن نەمەسە 1986 جىلى بار قازاق ۇلتىن «شەكتەن شىققان ناسياناليست» دەپ كىنالاسا، ەندى مۇمكىن «شەكتەۋسىز فاشيزم» دەپ ايىپتاسىن!"
ايتا كەتەيىك، «جۇلدىزدار وتباسى. اڭىز ادام» جۋرنالىنىڭ ءساۋىر ايىنداعى سانى ادولف گيتلەرگە ارنالعانى ءۇشىن «الەۋمەتتىك، ۇلتتىق، رۋلىق، ناسىلدىك نەمەسە ءدىني ارازدىقتى قوزدىرۋ» فاكتىسى بويىنشا جاۋاپقا تارتىلۋى مۇمكىن. وسىعان بايلانىستى قوعامدا ءبىراز شۋ تۋىنداپ وتىر.
«اڭىز ادام» جۋرنالىنىڭ ايلىق تاراپىمى 25200. سوڭعى سانى ساتىلىمنان شىعارىلدى.
