بىرنەشە كۇننەن بەرى "اڭىز ادام" توڭىرەگى دۋ-دۋ بولدى. ەكىگە جارىلعان ازاماتتاردىڭ پىكىرلەرىن وقىپ وتىرىپ ءبىراز سۇراق تۋىندادى:
1. ادامزاتتىڭ قارعىسىنا ۇشىراعان قانىشەرلەر، تاريحتا قارابەت بولىپ قالعاندار "اڭىزعا اينالعان ادام" دەگەنگە لايىق پا؟ 
2. ەگەر تۇپكى ماقسات ءپۋتيننىڭ قانقۇيلى ارەكەتتەرىن اشكەرلەۋ بولسا نەگە مۇقاباعا سونىڭ پۋتلەر دەگەن كوللاجىن باسىپ، وي اشىق ايتىلمادى؟ كۇللى ەۋروپا سولاي ىستەدى عوي... (ءپۋتيننىڭ فاشيستكە اينالعانىن ءقازىر بارلىق باسىلىمدار جازىپ جاتىر. سوندىقتان ماسەلە تەك سوندا دەگەنگە سەنىڭكىرەمەيمىن) 
3. ءبىز ادام مەن ناداننىڭ ارا-جىگىن اجىراتۋدان قالعانبىز با؟ 
4. رەسەي فاشيزمىنە قارسى اۋىز اشا المايتىن قازاق شەنەۋنىكتەرى نەگە بەلسەندى بولا قالدى؟ ەگەر قازاقستان ۇكىمەتى فاشيزممەن تالماي كۇرەسىپ كەلە جاتقان "قاھارمان" بولسا ءبىر يگى... شالىس باسقان باس رەداكتوردى 12 جىلعا سوتتاتامىز دەۋ "وزگەگە ءالى كەلمەگەن بەيباق ءوز بالاسىن وڭدىرماي سابايدى"نىڭ كەرى سەكىلدى. ايىپپۇلدان اسار ايىپ كورىپ تۇرعان جوقپىن. 
5. "گيتلەر -فاشيست ەمەس" دەگەندەردى قورعاسام، ەڭ اۋەلى اكەمنىڭ ەكىنشى دۇنيە جۇزىلىك سوعىستا وپات بولعان قوس اعاسىنىڭ ءارۋاعى اتادى، ەكىنشىدەن بۇل دۇرىس ەمەس. ال قولداماساڭ قازاقتىڭ تارالىمى كوپ ءبىر باسىلىمىنا قاتەر ءتوندى. بۇنداي ەكىۇداي پىكىرگە ۇشىراعان مەن عانا ما؟ 
6. "ماقالا اۆتورىنىڭ پىكىرى رەداكسيا ۇستانىمىن بىلدىرمەيدى" دەگەن جاقسى ارينە، ءبىراق، ىشكى وي-سانا سەنزۋراسى قايدا قالادى؟ 
7. گيتلەر مەن ءستاليندى سالىستىرا داۋلاسىپ، "گيتلەر ادامدى از ولتىرگەن" دەگەن نە ءسوز؟ وسىنداي پىكىرلەر ءورىپ ءجۇر. ءبىر ادام ولتىرسە دە قىلمىسكەردىڭ اتى قىلمىسكەر ەمەس پە... جەر جاھانداعى 80 ملنداي ادامدى جويعان (گيتلەر 37 ملن. ستالين. 40 ملن) ەكى ەسەردىڭ "اناۋسى جاقسى" دەۋ ءبىزدىڭ وي-ورىسىمىزدەن حابار بەرمەي مە؟ 
8. ءسوز جوق "اڭىز ادام" قازاق ءباسپاسوزىنىڭ وڭگەلەرمەن باسەكەلەس بولا الاتىنىن دالەلدەدى. قازاقى ب ا ق شاتقاياقتاپ ازەر جۇرگەن ۋاقىتتا ءار باسىلىم ءبىز ءۇشىن قىمبات. "اڭىز ادام" بىزگە كەرەك! ءبىراق بولاشاقتا اتىنا لايىق ناعىز ادامداردى عانا باسسا....