ەرتەڭ ۇلتتىق اكادەميالىق كىتاپحانادا ايتىس تۋرالى بىرنەشە كىتاپتىڭ تۇساۋكەسەرى وتپەك.

22 ءساۋىر كۇنى ق ر ءبىلىم جانە عىلىم مينيسترلىگىنىڭ قولداۋىمەن استانا قالاسىنداعى ۇلتتىق اكادەميالىق كىتاپحانادا ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاق ادەبيەتى كافەدراسىنىڭ بىرنەشە كىتابىنىڭ تۇساۋكەسەرى وتەدى، دەپ حابارلايدى kazaitys.kz.

اتاپ ايتقاندا، «قازىرگى ايتىستىڭ ينتەگراسيالىق سيپاتى» عىلىمي جوباسى بويىنشا جيناقتالعان «ايتىستانۋ» اتتى عىلىمي ەڭبەكتىڭ، فيلولوگيا عىلىمدارىنىڭ دوكتورى، پروفەسسور امانجول ءالتايدىڭ «اقىن-جىراۋلار پوەزياسى» عىلىمي ەڭبەگىنىڭ، «امانجول-سارا» ايتىستار جيناعى جانە فيلولوگيا عىلىمدارىنىڭ كانديداتى، دوسەنت سەرىكزات دۇيسەنعازىنىڭ «قاراشىعىمدا كوشكەن بۇلت» اتتى جىر جيناقتارىنىڭ تۇساۋى كەسىلمەك. ايتا كەتەيىك، اتالمىش شارا ساعات 11.00-دە باستالادى.