ريوداعى پاراليمپيادا ويىندارىندا قازاقستان قۇراماسى العاشقى التىن مەدالدى يەلەندى. جۇزۋدە الدىنا جان سالماعان زۋلفيا عابيدۋللينا جەڭىسكە جەتتى. بۇل تۋرالى ۇلتتىق پاراليمپيادا كوميتەتى حابارلادى. زۋلفيا عابيدۋللينا تەك جەڭىسكە جەتىپ قانا قويماي، 100 مەترلىك قاشىقتىققا ەركىن ستيلدە جۇزۋدەن جاڭادان الەمدىك رەكورد ورناتتى، - دەپ حابارلايدى Qamshy.kz 24.kz - كە سىلتەمە جاساپ. 

ول – الەم چەمپيوناتىنىڭ قولا جۇلدەگەرى، ازيا پاراليمپيادا ويىندارىنىڭ ءارى الەمنىڭ التى دۇركىن چەمپيونى. جۇزۋدەن الەمدىك رەيتينگتە الدىنا قارا سالمايتىن سەگىز سپورتشىنىڭ ءبىرى.

ايتا كەتەيىك، كۇن ىلگەرى ريو-2016 پاراليمپياداسىنىڭ سالتاناتتى اشىلۋى بولعان ەدى. سايىپقىران سپورتشىمىز جارىستىڭ العاشقى كۇندەرىندە-اق قازاقستان قۇراماسىنىڭ قورجىنىنا التىن سالىپ وتىر.

بيىل ريودا 22 سپورت ءتۇرى بويىنشا 528 پاراليمپيادا مەدالى ساراپقا تۇسەدى. قازاق ەلى العاش رەت بيىل 5 سپورت ءتۇرى بويىنشا 11 اتلەتتى دوداعا قوسىپ وتىر. ونىڭ ىشىندە - ءجۇزۋ، دزيۋدو، پاۋەرليفتينگ، جەڭىل اتلەتيكا جانە ساداق تارتۋ بار.