«100 ناقتى قادام» ۇلت جوسپارىن قابىلداۋعا وراي ەنگىزىلگەن وزگەرىستەرگە سايكەس جۇمىسپەن قامتۋ جانە الەۋمەتتىك باعدارلامالاردى ۇيلەستىرۋدى باسقارۋ جۇمىستارى مەن «جۇمىسپەن قامتۋ-2020» جول كارتاسىنا وزگەرتۋلەر ەندى، - دەپ حابارلايدى Qamshy.kz قازاقپاراتقا سىلتەمە جاساپ.

بۇل جايىندا شقو وڭىرلىك كوممۋنيكاسيالار قىزمەتىندەگى باسپا ءسوز ءماسليحاتىندا وڭىرلىك جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ جەتەكشىسى ەلەنا ستارەنكوۆا ءمالىم ەتتى.

ونىڭ اتاپ وتۋىنشە، ۆەدومستۆو جۇمىسى ۇلت جوسپارىمەن ۇيلەستىرىلگەن.

«بۇگىندە ءبىز باعدارلامانىڭ وزەكتەندىرىلگەن ەرەجەسىمەن جۇمىس ىستەۋدەمىز. وعان سايكەس، حالىقتى ءونىمدى ەڭبەكپەن قامتاماسىز ەتۋدىڭ شىنايى تەتىگى ولاردىڭ ءال-اۋقاتىن ارتتىرۋمەن قاتار جۇمىسسىزدىقتى تومەندەتۋ بولىپ وتىرعانى بەلگىلى. اتالعان جوسپار جۇزەگە اسىرىلعان ساتتەن شقو-نىڭ بارلىق قالالارى مەن اۋداندارىندا وڭ ناتيجە بەردى»، - دەدى ول.

وسى ورايدا ول «جۇمىسپەن قامتۋ - 2020» جول كارتاسى باعدارلاماسىنىڭ تيىمدىلىك كورسەتكىشتەرىنىڭ ءبىرى ءوڭىر تۇرعىندارىنىڭ جۇمىسپەن قامتىلۋى بولىپ وتىرعاندىعىن باسا ايتتى. اتالعان باعدارلاماعا قاتىسقان 8469 شىعىسقازاقستاندىقتىڭ جۇمىس ورنىمەن قامتاماسىز ەتىلگەندىگىن ەسكە سالدى.

ايتا كەتەرلىگى، اعىمداعى جىلى اتالعان باعدارلامانى جۇزەگە اسىرۋ ءۇشىن وڭىردە رەسپۋبليكالىق بيۋدجەتتەن 9 194،3 ملن. تەڭگە بولىنگەن. 8361 ادام باعدارلامامەن قامتىلسا، ونىڭ ىشىندە 3686 ادام جۇمىسسىز، 3700 ادام ءوزىن-وزى جۇمىسپەن قامتاماسىز ەتكەن ەدى.

ايتا كەتەرلىگى، باعدارلاما اياسىندا وڭىردەگى ەڭبەك نارىعىندا وڭ ناتيجە قالىپتاسىپ وتىر. 2010 جىلداعى 5،7 پايىزدىق كورسەتكىشپەن سالىستىرعاندا 2016 جىلدىڭ 2 توقسانىندا جۇمىسسىزدىق 5 پايىزعا دەيىن تومەندەدى. حالىقتىڭ ءوزىن-وزى جۇمىسپەن قامتاماسىز ەتكەن بولىگى 21،8 پايىزعا تومەندەپ، از قامتىلعان ادامداردىڭ سانى 19،7 مىڭدى قۇرادى.