9-11 قىركۇيەكتە «قۋاتتى ءوڭىر - قۋاتتى قازاقستان» اكسياسى اياسىندا استاناعا الماتى وبلىسىنىڭ دەلەگاسياسى كەلەدى. بۇل كۇندەرى وبلىستىق تاۋار وندىرۋشىلەردىڭ اۋىل شارۋاشىلىق جارمەڭكەسى، كىتاپ پەن ساندىك-قولدانبالى ونەر كورمەلەرى، ءوڭىر ارتىستەرىنىڭ قاتىسۋىمەن مەرەكەلىك كونسەرتتەر وتەدى، سپەكتاكلدەر قويىلادى.

جارمەڭكەدە ەلوردا تۇرعىندارىنا جالپى كولەمى 340 توننا اۋىل شارۋاشىلىعى ونىمدەرىنىڭ 38-دەن استام ءتۇرى ۇسىنىلادى. ونىڭ ىشىندە، ەت جانە ەت ونىمدەرى، بالىق، كوكونىس، جەمىس-جيدەك، ءسۇت ونىمدەرى، جۇمىرتقا، باكالەيا ونىمدەرى جانە ت.ب.

جارمەڭكە 10-11 قىركۇيەكتە وقۋشىلار سارايىنىڭ جانىنداعى الاڭدا وتەدى. تاۋارلار قالاداعى بولشەك ساۋدا باعالارىنان 15-20 پايىزعا تومەن ساتىلادى.

بۇدان باسقا، الماتى وبلىسىنىڭ وكىلدەرى ەلوردا تۇرعىندارى مەن قوناقتارىنىڭ نازارىنا مادەني باعدارلامالارىن ۇسىنادى.

9 قىركۇيەكتە ق ر ۇلتتىق كىتاپحاناسىندا ساعات 10-نان 18-گە دەيىن الماتى وبلىسىنىڭ اقىندارى مەن جازۋشىلارىنىڭ «جەرۇيىق مەكەن - جەتىسۋ» اتتى كىتاپ كورمەسى، سونداي-اق، ساندىك-قولدانبالى ونەر شەبەرلەرى مەن مۋزەي ەكسپوناتتارىنىڭ، «التىن ادام مەكەنى» كوركەمسۋرەت گالەرەياسى سۋرەتشىلەرىنىڭ كورمەسى وتەدى. وسى كۇنى قالا تۇرعىندارى مەن قوناقتارى ساعات 18:30 «جاستار» تەاترىندا «كەرەي - جانىبەك» سپەكتاكلىن تاماشالايدى.

10 قىركۇيەكتە ساعات 17-دەن 18-گە دەيىن كونگرەسس-حولل فويەسىندە «تالدىقورعان - كەشە، بۇگىن، ەرتەڭ» كورمەسى كوپشىلىك نازارىنا ۇسىنىلادى. مۇندا تالدىقورعاننىڭ دامۋىنىڭ فوتوتاريحىمەن، قالانىڭ كورىكتى جەرلەرىمەن، قازاقستان حالقى اسسامبلەياسىنىڭ كورمەسىمەن، سونداي-اق الماتى وبلىسىندا شىعارىلاتىن ونىمدەرمەن تانىسۋعا بولادى. ساعات 18:30-دا كونگرەسس-حولل ساحناسىندا الماتى وبلىسى شىعارماشىلىق ۇجىمدارىنىڭ «جەتىسۋ - جۇماق مەكەنىم» اتتى گالا-كونسەرتى وتەدى.