سالماق ولشەۋ راسىمىنەن سوڭ برۋك  بۇگىنگى جەكپە-جەكتە جەڭىسكە جەتەتىنىن جانە قارسىلاسىنان قالايدا بەلبەۋدى تارتىپ الاتىنىنا ەش كۇمانە جوق ەكەنىن مالىمدەدى. بۇل تۋرالى Qamshy.kz Vesti.kz  سىلتەمە جاساپ حابارلايدى.

“مەن گولوۆكيننىڭ كوزىندەرىنەن قورقىنىش بايقادىم. ول بۇگىنگى سەنبىنىڭ قيىنعا تۇسەتىنىن بىلەدى. ونى بىرنارسە الاڭداتىپ تۇرعانىن مەن سەزەمىن.  ول دا مەنىڭ كوزقاراسىمنان الەمدى تاڭداندىرعىم كەلەتىنىن كوردى ”، – دەدى كەلل برۋك.

ەسكە سالا كەتسەك، برۋك سالماق ولشەۋ راسىمىندە گولوۆكيننەن اۋىر بولىپ شىققان ەدى. بۇل ونىڭ ورتا سالماقتاعى العاشقى كەزدەسۋى. كاسىپقوي شارشى الاڭدا گەنناديي گولوۆكين جالپى سانى 35 كەزدەسۋ وتكىزىپ، ونىڭ بارلىعىندا جەڭىسكە جەتسە، 32 جەكپە-جەكتى مەرزىمىنەن بۇرىن اياقتاعان.

ال كەلل برۋك 36 رەت شارشى الاڭعا شىعىپ، ونىڭ بارلىعىندا دەرلىك جەڭىسكە جەتە العان. ال 25 كەزدەسۋىن نوكاۋتپەن اياقتاپتى.

بۇل جەكپە-جەك ءۇشىن قوس بوكسشى دا وزدەرى ءۇشىن ەڭ جوعارعى رەكوردتىق سوماداعى اقشا الادى. كەزدەسۋ ورتا سالماق اياسىندا وتەتىندىكتەن گولوۆكينگە IBO، IBF جانە WBC اتاقتارىن قورعاۋعا تۋرا كەلەدى.

كەزدەسۋ بارىسىندا يامايكالىق مارلون رايت شارشى الاڭداعى تورەشى قىزمەتىن اتقارسا، بوكسشىلاردىڭ ءىس-قيمىلىن گۋيدو كاۆاللەري (يتاليا)، كرەيگ مەتكالف (كانادا) جانە بەنۋا روسسەل (كانادا) سىندى تورەشى ماماندار باقىلايدى.

ايتا كەتەيىك، 10 قىركۇيەك كۇنى لوندونداعى و2 ارەنادا وتەتىن بوكس كەشىندە WBA (Super)، IBO، IBF جانە WBC نۇسقالارى بويىنشا ورتا سالماقتاعى الەم چەمپيونى گەنناديي گولوۆكين (35-0، 32 كو) ورتا سالماقتاعى IBF تۇجىرىمىنىڭ چەمپيونى بريتانيالىق كەلل برۋكپەن (36-0، 25 كو) كۇش سىناسادى.

“قازاقستان”جانە KazSport تەلەارنالارى جەكپە-جەكتەردى تىكەلەي ەفيردە كورسەتەدى. بوكس كەشى استانا ۋاقىتىمەن تۇنگى 23:00-دە باستالادى.